CIYAARTOOYDA ITOOBIYA OO KA QAYBGALAYA TARTAMADA KAMA DAMBAYSTA AH EE HORYAALKA ADDUUNKA EE ORODKA WADDOOYINKA

Addis Ababa, Kodxin/Meskerem,9. 2019 (ENA):- Tartanka labaad ee Horyaalka Adduunka ee Orodka Waddooyinka ayaa berri iyo maalinta ku xigta ka dhacaya magaalada Copenhagen ee dalka Denmark.

 

Tartankan waxaa ka qaybgalaya 496 ciyaartooy oo ka kala socda 86 dal.

 

Kooxda Ciyaartooyda Qaxootiga ee World Athletics ayaa sidoo kale ka qaybgalaysa tartankan.

 

Intaa waxaa dheer, in ka badan 65,000 oo qof oo aan ciyaartooy ahayn ayaa iyaguna ka qaybqaadan doona munaasabadda.

 

Itoobiya waxay ka mid tahay dalalka ka qaybgalaya horyaalka, iyadoo labada qaybood ee ragga iyo dumarka ku matalaysa 18 ciyaartooy, kuwaas oo ay ku jiraan ciyaartooyda kaydka ah.

 

Xulka ciyaaraha fudud ee Itoobiya ayaa magaalada Addis Ababa ku qaatay diyaar-garowga tartankan.

 

Ciyaartooyda Itoobiya ayaa sidoo kale tababarradooda ku qaatay goobo kala duwan oo ay ka mid yihiin Entoto, Daafo, Qaaliti, Sebeta iyo Sandhafa, si ay si wanaagsan ula qabsadaan cimilada iyo xaaladaha tartanka ee Copenhagen.

 

Itoobiya waxay horyaalka kaga qaybqaadanaysaa tartamada nuska maaratoonka ee ragga iyo dumarka, tartanka 5 kiiloomitir ee ragga iyo dumarka, iyo tartanka hal mayl ee dumarka.

 

Maanta oo ah maalinta furitaanka horyaalka ayaa la qabanayaa tartamada ay ka qaybgalayaan ciyaartooyda Itoobiya.

 

Tartanka hal mayl ee dumarka oo maanta qabsoomaya 11:10 AM waxaa ka qaybgalaya Freweyni Haylu iyo Birqe Hayelom.

 

Liqna Ambaw iyo Aleshign Bawoke ayaa ka mid ah ciyaartooyda Itoobiya ee ka qaybgalaya tartanka 5 kiiloomitir ee dhacaya 3:10 galabnimo.

 

Tartanka kama dambaysta ah ee 5 kiiloomitir oo qabsoomaya ( 3:40 PM) waxaa ka qaybgalaya Mezegibu Seme iyo Adhisu Yihune.

 

Horyaalka Adduunka ee Orodka Waddooyinka waa tartan beddelay Horyaalka Adduunka ee World Athletics ee nuska maaratoonka.

 

Horyaalka nuska maaratoonka ayaa la qabanayay intii u dhaxaysay 1992 ilaa 2020.

 

Sanadkii 2023 ayaa magaca tartanka la beddelay, waxaana loo bixiyay Horyaalka Adduunka ee Orodka Waddooyinka, iyadoo tartankii ugu horreeyay ee magaca cusub lagu qabtay isla sannadkaas magaalada Riga ee dalka Latvia.

 

Horyaalka hadda jira, marka laga soo tago tartanka nuska maaratoonka ee hore, waxaa lagu daray tartamada 5 kiiloomitir iyo hal mayl.

 

Intii u dhaxaysay 1992 ilaa 2023, Itoobiya waxay Horyaalka Adduunka ee nuska maaratoonka iyo Horyaalka Adduunka ee Orodka Waddooyinka, oo magaca loo beddelay laguna qabtay Riga ee Latvia. 

ka heshay wadar ahaan 57 biladood oo ay ku jiraan bilado ay ku guulaysatay shaqsi ahaan iyo koox ahaan.

 

Itoobiya waxay ku guulaysatay 15 biladood oo dahab ah, 22 oo qalin ah iyo 20 oo maar ah, kuwaas oo wadar ahaan noqonaya 57 biladood.

 

Tartankii ugu horreeyay ee Horyaalka Adduunka ee Orodka Waddooyinka oo sanadkii 2023 lagu qabtay Riga, Latvia, Itoobiya waxay ku guulaysatay 2 biladood oo dahab ah, 4 oo qalin ah iyo 1 oo maar ah, iyadoo wadar ahaan heshay 7 biladood. Itoobiya ayaa tartankaas ku dhammaysatay kaalinta labaad, iyadoo Kenya ka dambaysay