HAWLIHII UGU MUHIIMSANAA EE RA'IISUL WASAARE ABIY AXMED (DR) EE BILIHII HAMLE IYO NEHASE

Barnaamijka beerista 800 milyan oo geed hal maalin gudaheed. 

 

Sannadkan oo barnaamijka Dhaxal Reebka Cagaaran (Green Legacy) ayaa galay sannadkiisii siddeedaad, Ra’iisul Wasaare Abiy Ahmed (Dr). oo ah Guddoomiyaha Shirka 32-aad ee Isbeddelka Cimilada ee Qaramada Midoobay (COP32) ayaa hoggaamiyay barnaamijka sannadlaha ah ee qaran ee beerista geedo hal maalin ah, iyadoo ay ka soo qaybgaleen Marwada Koowaad qaranka Zinash Tayachew iyo xubnaha Guddiga Qaran ee Isku-dubaridka COP32.

 

Ololahan ayaa lahaa yool weyn oo ahaa in Itoobiya oo dhan hal maalin gudaheed lagu beero 800 milyan oo geedo ah, waxaana ololuhu lagu guuleystay inuu ka sarre maro yoolkii iyo qorshihii loo dejiyay.

 

Dadaalkan waxaa ka qayb qaatay Itoobiyaan ku kala nool dhammaan dalka, iyadoo Ra’iisul Wasaare Abiy Axmed Dr mahadceliyay dhammaan ka qaybgalayaasha, isaga oo sheegay inay gaareen guul taariikhi ah oo muujinaysa midnimo iyo adkaysi.

 

Kormeerka iyo xarig-jarka mashaariicda

 

Ra’iisul Wasaare Abiy Ahmed (Dr.) ayaa xarigga ka jaray oo si rasmi ah u furay terminal-ka cusub ee Garoonka Diyaaradaha Caalamiga ah ee Dejazmach Belay Zeleqe ee magaalada Bahir Dhar.

 

Ra’iisul Wasaare ayaa halkaasi ka xusay in mashruucani uu yahay mid ka mid ah albaabada muhiimka ah ee Itoobiya laga soo galo, isaga oo xusay in magaalada Bahir Dhar, inkastoo ay dhawaan la kulantay caqabado, ay muujisay adkaysi iyo soo kabasho, isla markaana ay tahay xarun muujinaysa fursadaha maalgashi ee mustaqbalka.

 

Terminal-ka cusub ayaa ka kooban kaabayaal casri ah oo garoon diyaaradeed, waddooyin marin oo la horumariyay iyo adeegyo ballaaran, kuwaas oo kordhinaya awoodda garoonka isla markaana hagaajinaya raaxada iyo adeegga rakaabka.

 

Mashruucan oo ay weheliso isbeddelka ballaaran ee ka socda magaalada ayaa Bahir Dhar ka dhigi doona xarun muhiim u ah duulimaadyada caalamiga ah iyo kuwa gudaha.

 

Arrimaha bulshada

 

Dhanka kale, Ra’iisul Wasaare Dr. Abiy Ahmed ayaa wareysigii uu siiyay Oromia Broadcasting Network (OBN), waxaana uu sheegay in kooxaha hubeysan ee ka hawlgala Oromia, Amxaarada iyo Tigray, kuwaas oo danahooda gaarka ah ka hormariyay danta qaranka, ay sameysteen isbahaysi kaddib markii ay garwaaqsadeen inaysan mid mid uga adkaan karin dowladda.

 

Waxa uu sidoo kale sharaxay in kooxahan, oo ku shaqeynaya fikir siyaasadeed iyo hab hoggaamineed waqtigiisu dhammaaday, ay noqdeen aalad ay adeegsanayaan cadow taariikhi ah oo dibadda ah oo doonaya inuu wiiqo oo kala qaybiyo Itoobiya.

 

Ra’iisul Wasaaruhu wuxuu intaas ku daray in dimuqraadiyadda dhabta ahi aysan ku koobnaan oo keliya furfurnaanta siyaasadeed, balse ay tahay in loo gudbo wada-hadal qaran oo dhab ah oo xaqiijinaya sareynta sharciga.