QAAB -DHISMEEDKA AMNIGA OO SI DHOW ULA SHAQEEYAY SHACABKA AYAA FASHILIYEY DHAGARTII CADOWGA GUDAHA IYO KUWA DIBADDA : KOOMISHNEER DHAMELASH GEBREMICHAEL

Addis Ababa,Nahaase, 21,2018 (ENA) Taliyaha Guud ee Komishanka Booliiska Federaalka Dhamelash Gebremichael, ayaa sheegay in qaab-dhismeedka amniga oo si isku-duuban ula shaqeeyay shacabka uu ku guuleystay inuu fashiliyo dhagarta ay maleegeen kooxaha gudaha iyo kuwa dibadda.

 

Waxaa socda madal qaran oo wadajir ah oo ay ka qeybgalayaan komishannarrada booliiska iyo mas’uuliyiinta nabadda iyo amniga.

 

Taliyaha Guud Dhamelash Gebremichael ayaa madasha ka sheegay in natiijooyin wax-ku-ool ah oo lagu xoojinayo nabadda la gaaray, kaddib markii hay’adaha amnigu si wadajir ah oo isku-duuban ula shaqeeyeen shacabka.

 

Waxa uu xusay in si doorashadii 7-aad ee qaranka si nabad ah loogu qabto, ciidamada booliiska ee heerarka kala duwan, mas’uuliyiinta amniga iyo maamulka, ciidamada maleeshiyaadka iyo Ciidanka Difaaca Qaranka ay si wadajir ah u qorsheeyeen una fuliyeen hawlaha amniga. Waxa uu xusay in dadaalladaas ay suurageliyeen in doorashadu si nabad ah u dhacdo, taas oo tusaale loogu soo qaadan karo gudaha dalka iyo caalamkaba.

 

Taliyaha Guud Dhamelash ayaa sheegay in cadaw gudaha iyo dibadda ah oo doonaya in Itoobiya ay mar walba ku sii jirto dhibaato, isla markaana ay carqaladeeyaan nabaddeeda, ay isku xirmaan oo ay maleegaan dhagarro badan.

 

Waxa uu xusay in dhagartaas laga hortagay iyadoo ciidamada amniga ee heerarka kala duwan ay naf-hurnimo muujiyeen, xitaa naftooda u hureen, si ay u fashiliyaan shirqoolladaas, una ilaaliyaan nabadda iyo amniga dalka ilaa heerka maanta la gaaray.

 

Wuxuu xusay oo kale in madashu ay muhiim u tahay xaqiijinta in ciidamada ay weli diyaar u yihiin inay fashiliyaan dhagarta ay kooxaha cadowga gudaha iyo kuwa dibadda ku doonayaan inay ku carqaladeeyaan nabadda iyo amniga Itoobiya, ayna isu diyaariyaan hawlgallada mustaqbalka.

 

Waxa uu sidoo xusay in Itoobiya aysan ahayn oo keliya goob ay dalxiisayaashu booqdaan, balse ay sidoo kale tahay dal martigeliya munaasabadaha waaweyn ee qaaradda iyo kuwa caalamiga ah.

 

Waxa uu xusay in Booliisku, oo la kaashanaya hay’adaha kale ee amniga, uu dadaal xooggan ugu jiro xaqiijinta in munaasabadahan si nabad ah oo amni buuxa leh loo qabto.

 

Waxa uu adkeeyay in wada-tashi, qorsheyn iyo diyaar-garow wadajir ah loo baahan yahay si loo fashiliyo dhagarta cadowga, loona xaqiijiyo in munaasabadaha waaweyn ee qaranka si nabad ah u qabsoomaan.

 

Waxa uu sheegay in madasha maanta looga gol leeyahay in lagu qiimeeyo hawlihii la qabtay, khibradihii laga bartay iyo goldaloolooyinkii jiray, si loogu sii diyaar garoobo waajibaadyada mustaqbalka.

 

Ugu dambayn waxa uu xusay in xoojinta wada-shaqayntu ay muhiim u tahay sidii loo fashilin lahaa dhagarta cadowga Itoobiya, isla markaana loo xaqiijin lahaa barwaaqada dalka.