Waftiga Ciyaartoyda Itoobiya ee ka qaybgalay Tartanka Ciyaaraha Fudud ee Adduunka ee da’yarta ka yar 20 sano oo dalka lagu soo dhaweeyay - ENA Af-Soomaali
Waftiga Ciyaartoyda Itoobiya ee ka qaybgalay Tartanka Ciyaaraha Fudud ee Adduunka ee da’yarta ka yar 20 sano oo dalka lagu soo dhaweeyay
Addis Ababa, Naaf 6/2018 (ENA) Waftiga ciyaartoyda Itoobiya ee ka qaybgalay Tartanka Ciyaaraha Fudud ee Adduunka ee da’yarta ka yar 20 sano, oo lagu qabtay magaalada Eugene ee gobolka Oregon ee cariga Maraykanka ayaa si rasmi ah dalka loogu soo dhaweeyay.
Itoobiya ayaa tartanka ku soo dhamaysatay 6 billadood, kuwaas oo kala ah 2 dahab, 3 qalin iyo 1 maar.
Maraykanka oo martigeliyay tartankan ayaa kaalinta koowaad ku dhamaystay 24 billadood, halka Kenya ay kaalinta labaad gashay iyadoo heshay 11 billadood.
Itoobiya ayaa tartanka ku dhamaysatay kaalinta 5-aad ee adduunka, halka ay kaalinta 2-aad ka gashay dalalka Afrika.
Laba sano ka hor, tartankii ka dhacay magaalada Lima ee dalka Peru, Itoobiya ayaa ku guulaysatay 10 billadood oo ay ku jireen 6 billadood oo dahab ah.
Tartanka Ciyaaraha Fudud ee Adduunka ee da’yarta ka yar 20 sano ayaa lagu qabtay garoonka Hayward Field ee magaalada Eugene, gobolka Oregon, laga bilaabo Afagaal 29 ilaa 3 Naaf 2018 T.I.
