Itoobiya iyo Midowga Afrika ayaa sheegay inay xoojinayaan iskaashiga ku aadan taaba galinta guusha Shirka COP32 - ENA Af-Soomaali
Itoobiya iyo Midowga Afrika ayaa sheegay inay xoojinayaan iskaashiga ku aadan taaba galinta guusha Shirka COP32
ddis Ababa, 29 Afagaal 2018 (ENA): Itoobiya iyo Guddiga Midowga Afrika ayaa sheegay inay si dhow u wada shaqayn doonaan si uu sii guul ah ugu qabsoomo Shirka 32-aad ee Qaramada Midoobay ee Isbeddelka Cimilada (COP32).
Wasiirka Arrimaha Dibadda Dr. Gedion Timotheos ayaa xafiiskiisa ku aqbalay Guddoomiyaha Guddiga Midowga Afrika Mahamoud Ali Youssouf, iyadoo halkaas ay ku yeesheen wada-hadallo.
Wada-hadalka ayaa diiradda lagu saaray arrimaha nabadda iyo amniga ee Geeska Afrika iyo sidoo kale u diyaar-garowga Shirka 32-aad ee Isbeddelka Cimilada ee Qaramada Midoobay (COP32), kaas oo ka dhici doona dalka Itoobiya sannadka 2027.
Sida ay muujinayso xogta Midowga Afrika, dhinacyada ayaa adkeeyay inay lagama maarmaan tahay in si sii weyn loo xoojiyo isku-duwida ka dhaxaysa Guddiga Midowga Afrika iyo dalka Itoobiya oo shirka martigelinaya, si loo hốtoliyo guusha shirkan weyn ee cimilada dunida.
