Gedhiyoon Timootiwoos (Dr.) oo la kulmay Wasiiru Dowlaha Arrimaha Dibadda ee Cumaan

Wasiirka Arrimaha Dibadda ee Itoobiya, Dr. Gedhiyoon Timootiwoos, ayaa la yeeshay kulan xafiiskooda ah Wasiiru Dowlaha Arrimaha Dibadda ee Cumaan ee Arrimaha Siyaasadda, Sheekh Khaliifa Bin Cali Al-Hartin.

Gedhiyoon (Dr.) ayaa intii uu kulanka socday ku adkeeyay in Itoobiya ay ka go’an tahay xoojinta xiriirka joogtada ah iyo ka faa’iidaysiga danaha labada dhinac, iyo sidoo kale in la sii xoojiyo wada-shaqeynta labada dal.

Waxaa sidoo kale la isku afgartay in ganacsatada Cumaan ay ka faa’iidaystaan fursadaha dhaqaale ee ka jira Itoobiya, gaar ahaan horumarinta dhaqaalaha.

Labada dhinac waxay ka wada hadleen iskaashiga beeraha iyo wax-soo-saarka, warshadaha, dalxiiska, iyo xoojinta xiriirka dadweynaha iyo bulshada, iyagoo muujiyay muhiimadda iskaashiga.

Sheekh Khaliifa Bin Cali Al-Hartin ayaa dhanka kale sheegay in Cumaan ay si weyn u xiiseyneyso xoojinta xiriirka ganacsi iyo maalgashi ee ay la leedahay Itoobiya.

Labada mas’uul ayaa sidoo kale isku afgartay in la isweydaarsado talooyin ku saabsan arrimaha wadajirka ah iyo xaaladaha nabadgelyo iyo ammaan ee gobolka.

#WWI 
#Wakaaladda_Wararka_Itoobiya