Itoobiya iyo Saambiya ayaa ku heshiiyay wada shaqayn Milatari

Addis Ababa, Xoorreey 1/2018 (ENA): Itoobiya iyo Saambiya ayaa ku heshiiyay inay si wadajir ah uga shaqeeyaan arrimaha difaaca, si loo xoojiyo xiriirka labada dal ee muddada dheer soo jiray loona horumariyo iskaashiga ciidamada ee dhinacyada kala duwan.

Heshiiskan ayaa ka dhashay wada hadal dhexmaray Taliyaha Guud ee Ciidamada Difaaca dalka, Fildh Maarshaal Birhaanu Juulaa, iyo dhiggiisa Saambiya, Jeneral Jioffrey Syeele. Kadib kulankooda, madaxda difaaca ee labada dal ayaa saxiixay heshiis ku saabsan wada shaqayn milatari oo ballaaran.

 

Fildh Maarshaal Birhaanu wuxuu sheegay in Itoobiya ay si buuxda ugu howlan tahay ilaalinta amniga gobolka iyo xasilloonida, isla markaana ay diyaar u tahay inay sii xoojiso xiriirka ay la leedahay Saambiya. Dhinaca Zambia, Jeneral Jioffrey Syeele wuxuu tilmaamay in iskaashigan uu abuuri doono awood wadajir ah oo labada dal u horseedi doonta faa'iidooyin badan.

Saambiya waxay muujisay qadarin ku saabsan khibradda iyo geesinnimada Ciidanka Itoobiya tan iyo dagaalkii Adhwa, taas oo ay sheegeen inay dhiirrigelisay ka shaqaynta iskaashi dhow. Itoobiya-na waxay uga mahadcelisay Saambiya rabitaankooda ku aaddan in la ballaariyo wada shaqayntooda milatari.

 

Ugu dambayn, Wasiirrada Gaashaandhigga labada dal ayaa kala saxiixday heshiis ku saabsan iskaashiga dhismaha ciidamo casri ah, tababar, warshadaha difaaca, iyo arrimo amni oo kale. Wasiiru Dowle Maartaa ayaa sheegtay in ujeeddada ugu weyn ay tahay ilaalinta danaha qaranka labada dal iyo kor u qaadista iskaashiga. Wasaaradda Difaaca Saambiya-na waxay ku dartay in xiriirka difaaca la sii xoojin doono si loo gaaro guulo muuqda.

#WWI  #Wakaaladda_Wararka_Itoobiya