Waxaa magaalada Jigjiga ka furmay wareega 2-aad ee tababarka hogaaminta sare iyo dhexe ee Xisbiga Barwaaqo ee Deegaanka Soomaalida.

Wareega 2-aad ee tababarka S.M 2018-ka T.I ee hogaaminta sare iyo dhexe ee Xisbiga Barwaaqo laanta Deegaanka Soomaalida oo socon doona 8 maalmood oo xidhiidha ah ayaa hal ku dhaggiisu yahay "Aragtida Dowlada wadajirka waa Horumarinta waaxyaha kala duwan ee dalka”.

‎
‎Tababarka ayaa inta uu socdo lagu baran doonaa mowduucyo la xidhiidha aragtida dowlada ee ku dhisan fikirka wadajirka ah ee beeraha iyo horumarinta reer miyiga, warshadaha,  horumarinta magaalooyinka iyo dalxiiska.     
‎
‎Tababarkani ayaa ah mid lagu dhisayo aqoonta, xirfadaha iyo kartida hogaamineed ee hogaaminta Xisbiga Barwaaqo.
‎
‎Hogaamin dhan 2,700 oo ka kala socota qaab dhismeedka xisbiga heer deegaan, gobol, maamul magaalo iyo degmo ayaa ka qeyb galaya tababarka.