Hogaaminta Sare ee Xisbiga Barwaaqo ayaa kormeeray mashaariic horumarineed oo laga hirgeliyay Addis Ababa

Addis Ababa, Dirir 29/2018 (ENA): Hogaanka sare ee Xisbiga Barwaaqo ayaa maanta booqday mashaariic horumarineed oo muhiim ah oo laga hirgeliyay magaalada Addis Ababa, booqashadan ayaa garab socda tababar soconaya muddo 12 maalmood ah oo diiradda lagu saarayo hannaanka hoggaaminta, maamulka iyo horumarinta bulshooyinka.

Mashaariicda ay booqdeen ayaa ka mid ahaa qorshayaasha guryaha ee laga wado magaalada, dadaallada lagu xasillinayo suuqa iyo maciishada, horumarinta marinnada iyo hareeraha togagga, Matxafka Sayniska, iyo Xarunta Caalamiga ah ee Shirarka Addis Ababa.

Ujeeddada booqashada ayaa ah in hogaamintu ay si dhow u arkaan horumarka muuqda ee ka socda caasimadda iyo sida uu u taabanayo nolosha dadka, iyadoo la tixgelinayo doorka iskaashiga dawladda iyo shacabka ee guulahaas lagu gaaray.

Mas’uuliyiinta Barwaaqo ayaa tilmaamay in mashaariicdaas ay tusaale u yihiin sida qorshe hufan iyo hoggaan wax ku ool ahi u horseedi karaan isbeddel muuqda oo waara, iyagoo ballanqaaday in casharrada laga bartay ay ku dabaqi doonaan deegaannadooda.

Booqashadan ayaa qeyb ka ah barnaamijka is-dhaafsi waayo-aragnimo ee hogaanka Xisbiga Barwaaqo, kaas oo lagu xoojinayo fahamka horumarka magaalooyinka iyo doorka ay mashaariicda istiraatiijiga ahi ku leeyihiin koboca dhaqaale iyo nolol raaxo leh.

#Itoobiya 
#Wakaaladda_Wararka_Itoobiya