ጠቅላይ ሚኒስትር ዐቢይ አሕመድ (ዶ/ር) በ31ኛው የተባበሩት መንግስታት ድርጅት የአየር ንብረት ለውጥ ጉባኤ ላይ ያነሷቸው ነጥቦች

ጠቅላይ ሚኒስትር ዐቢይ አሕመድ (ዶ/ር) በ31ኛው የተባበሩት መንግስታት ድርጅት የአየር ንብረት ለውጥ ጉባኤ (ኮፕ 31) ላይ ባደረጉት ንግግር ያነሷቸው ሀሳቦች :

• በኢትዮጵያ የአየር ንብረት ለውጥ እርምጃ  ብቻውን ተነጥሎ የሚታይ ሳይሆን የአገሪቱ የኢኮኖሚ ፖሊሲ አካል ነው።
• የኢትዮጵያ 90 በመቶ የኤሌክትሪክ ኃይል አቅርቦት ከውሃ የሚመንጭ መሆኑን እና ይህን ንጹህ ኃይል ለጎረቤት ሀገራትም ጭምር ታቀርባለች።
• በመደመር ፍልስፍና መሪነት እስካሁን ከ56 ቢሊዮን በላይ ችግኞች ተተክለዋል፣ ይህም የመሬት መበላሸትን ከመግታት ባለፈ ለዜጎች የሥራ እድል ፈጥሯል።
• በከተሞች የጎርፍ መከላከያዎችን ከመገንባት ባለፈ፣ የቆሸሹ ወንዞችን በማጽዳት ዳርቻዎቻቸውን ለቤተሰብና ህፃናት መዝናኛ ወደሆኑ መናፈሻዎች መቀየር ተችሏል።
• በድርቅ ወቅት በኢኮኖሚው ላይ የሚደርሰውን ጉዳት ለመቀነስ ከውሃ፣ ከነፋስ፣ ከፀሐይ እና ከጂኦተርማል በተጨማሪ በኒውክሌር ኃይል ልማት ላይ ትኩረት ተደርጎ እየተሰራ ነው።
• የአየር ንብረት አደጋዎችን አስቀድሞ ለመተንበይ የሳተላይት መረጃዎችን እና የሰው ሰራሽ አስተውሎት (AI) በመጠቀም ለአርሶ አደሮች የቅድመ ማስጠንቀቂያ መረጃ እየቀረበ ሲሆን፣ እርዳታዎችን በፍጥነት ለማድረስ የ"ፋይዳ" ዲጂታል መታወቂያ እያገዘ ይገኛል።
• ኢትዮጵያ የበካይ ጋዝ ልቀትን ለመቀነስ የነዳጅ እና ዲዚል ተሽከርካሪዎችን ወደ ሀገር ማስገባት በመከልከል ሙሉ በሙሉ ወደ ኤሌክትሪክ ተሽከርካሪዎች (EV) የመሸጋገር እርምጃ ወስዳለች።
• ታዳጊ ሀገራት በየዓመቱ ለዕዳ ወለድ ብቻ ወደ 1 ትሪሊዮን ዶላር የሚጠጋ ገንዘብ ይከፍላሉ። ይህም ከፍተኛ የብድር ወጪ የአየር ንብረት መቋቋም አቅማቸውን በመገደቡ ዓለም አቀፍ የፋይናንስ ተቋማት የብድር መመሪያዎቻቸውን ማሻሻል ይኖርባቸዋል።
• ኢትዮጵያ የኮፕ 32 ጉባኤን በምታስተናግድበት ወቅት፣ የአየር ንብረት ፋይናንስ ቃል ኪዳኖች ምን ያህል? እስከ መቼ? በምን አሰራር? ለሚሉት ሦስት ጥያቄዎች ግልጽ ምላሽ የሚሰጡበትን እና የቅድመ-አደጋ ዝግጁነት እርምጃዎችን የትኩረቷ ማዕከል አድርጋ ትሰራለች።
• ኢትዮጵያ እ.ኤ.አ. በ2027 የሚካሄደውን የኮፕ 32 የአየር ንብረት ጉባኤ በዋና ከተማዋ አዲስ አበባ የምታስተናግድ በመሆኑ፣ የዓለም አቀፉ ማህበረሰብ  እና ልዑካን ወደ ሰው ዘር መገኛ ኢትዮጵያ እንዲመጡ ጥሪዬን አቀርባለሁ።