ሲዳማ ቡና በካፍ ሻምፒዮንስ ሊግ ከአል ሂላል ኦምዱርማን ጋር ይጫወታል

አዲስ አበባ፤ ጥቅምት 8/2019 (ኢዜአ):- በካፍ ሻምፒዮንስ ሊግ የሁለተኛ ዙር ማጣሪያ ሲዳማ ቡና የመጀመሪያ ጨዋታውን ዛሬ ከሱዳኑ አል ሂላል ኦምዱርማን ጋር ያደርጋል።



ጨዋታው ከቀኑ 10 ሰዓት ላይ በድሬዳዋ ስታዲየም ይካሄዳል።


ሲዳማ ቡና በመጀመሪያው ዙር ቅድመ ማጣሪያ የቻዱን ኤግሎንስን በድምር ውጤት 3 ለ 0 በመርታት ወደ ቀጣዩ ዙር አልፏል።


ተጋጣሚው አል ሂላል ኦምዱርማን በበኩሉ የብሩንዲውን አይግል ኑዋር በአጠቃላይ ውጤት 3 ለ 0 አሸንፏል።


በያሬድ ገመቹ የሚመራው ሲዳማ ቡና ላለፉት ሳምንታት ለጨዋታው ዝግጅቱን በሲያደርግ ቆይቷል።


ቡድኑ በአህጉራዊ መድረክ ሲሳተፍ የአሁኑ ለመጀመሪያ ጊዜ ነው። የወቅቱ የኢትዮጵያ ፕሪሚየር ሊግ አሸናፊ መሆኑም ይታወቃል።


ተጋጣሚው አል ሂላል ኦምዱርማን በሱዳን አንጋፋ ከሚባሉ ክለቦች መካከል ይጠቀሳል።


የሱዳኑ ክለብ ከዚህ ቀደም ሁለት ጊዜ በካፍ ሻምፒዮንስ ሊግ ለፍጻሜ ደርሷል።


ሲዳማ ቡና በሜዳው ጠንካራ ፍልሚያ ይጠብቀዋል።


የሁለቱ ክለቦች የመልስ ጨዋታ ጥቅምት 15 ቀን 2019 ዓ.ም በሩዋንዳ አማሆሮ ስታዲየም ይካሄዳል።


ሲዳማ ቡና በደርሶ መልስ ውጤት ካሸነፈ ወደ ምድብ ድልድሉ ይገባል።

በያሬድ ገመቹ የሚሰለጥነው ሲዳማ ቡና በሊጉ ሁለተኛ ሳምንት ከጋሞ ጨንቻ ጋር ሊያደርገው የነበረው ጨዋታ ላልተወሰነ ጊዜ ተራዝሟል።