አዲሱ የዞኖች አደረጃጀት የአገልግሎት አሰጣጥን ቀልጣፋ ያደርጋል

አምቦ/ጊምቢ፤ መስከረም 26/2019(ኢዜአ) ፡-የኦሮሚያ ክልል ተግባራዊ ያደረገው አዲሱ የዞኖች አደረጃጀት የአገልግሎት አሰጣጥን ቀልጣፋና ዘመናዊ የሚያደርግ መሆኑን የአምቦና የጊምቢ ከተሞች ነዋሪዎች ተናገሩ።

አስተያየታቸውን ለኢዜአ የሰጡ የአምቦና የጊምቢ ከተሞች ነዋሪዎች እንደገለፁት፤ አዲሱ አደረጃጀት ሥልጣንን ወደ ታች በማውረድ የአገልግሎት ማዕከላትን ወደ ወረዳና ቀበሌ ደረጃ ለማውረድ ምቹ ሁኔታን የሚፈጥር ነው። 

ይህም የሕዝብን የልማት ጥያቄዎች በቅርበትና በፍጥነት ለመፍታት እንደሚያስችልም ነዋሪዎቹ አክለዋል።

ከአስተያየት ሰጪዎቹ መካከል የአምቦ ከተማ ነዋሪው አቶ አለሙ አበበ፤ አደረጃጀቱ ከዚህ ቀደም በዞኖች ብዛት ይባክን የነበረውን የመንግሥት በጀት ለማስቀረት ይረዳል ብለዋል። 

ነዋሪው የሚፈልገውን አገልግሎት ለማግኘት ያወጣ የነበረውን አላስፈላጊ ጉልበትና ወጪ በማስቀረት፣ ማህበራዊና ኢኮኖሚያዊ አገልግሎቶችን በአቅራቢያው ያለ ምንም እንግልት እንዲያገኝ ያደርጋል ሲሉ ተናግረዋል።

በመደመር እሳቤ የተጀመሩና በኦሮሚያ ክልል ተግባራዊ የተደረጉ አሠራሮች ክልሉን በምግብ ራስን ከመቻል አልፎ ምርትን ወደ ውጭ ለመላክ እንዳበቁት ሁሉ፣ አዲሱ አደረጃጀትም የተጀመሩ የልማት ሥራዎችን ለማሳካት ትልቅ ሚና እንደሚጫወት ገልጸዋል።

 

ሌላው የከተማው ነዋሪ አቶ በየነ ጫላ በበኩላቸው፤ ዞኖችን በአዲስ መልክ የማደራጀቱ ውሳኔ የመንግሥት አካላትን ቅንጅታዊ አሠራርና ብቃት የሚያጠናክር መሆኑን ገልጸዋል። 

በተለይም ተመሳሳይና ተደጋጋሚ አሠራር ያላቸውን ተቋማት በአንድ የተቀናጀ መዋቅር ሥር በማምጣት በመንግሥት መሥሪያ ቤቶች መካከል ያለውን የሥራ ቅንጅትና አፈጻጸም እንደሚያሳድገው ጠቁመዋል።

 

ወይዘሮ ወርቅነሽ አጀማ የተባሉ ነዋሪ በተመሳሳይ፤ አዲሱ የዞኖች መዋቅር የሕዝቡን የልማት ተጠቃሚነት ለማረጋገጥና ቀደም ሲል የነበሩ የአስተዳደርና የልማት ክፍተቶችን ለመሙላት እንደሚያግዝ ተናግረዋል። 

አደረጃጀቱ ብልሹ አሠራሮችን በማስቀረት የክልሉን ዞኖች በተሻለ ሁኔታ ለመምራት፣ የሀብት ብክነትን ለመቀነስና ውስጣዊ የአሠራር ግድፈቶችን በብቃት ለመቆጣጠር ያስችላል ብለዋል።

የጊምቢ ከተማ ነዋሪዋ ወይዘሮ ኤብሴ ታዬ፤ አዲሱ የዞን አደረጃጀት የሕዝቡን ተጠቃሚነት ከማረጋገጥ ባሻገር የተጀመሩ የለውጥ ሥራዎች እንዲፋጠኑ ከፍተኛ አስተዋፅኦ እንደሚኖረው ተናግረዋል። 

 

ተግባራዊ የተደረገው የዞኖች አደረጃጀትም ውጤታማ እንዲሆን የበኩላቸውን ድርሻ እንደሚወጡም አክለዋል።

ሌላው አስተያየት ሰጪ አቶ አብዲሳ ተፈሪ በበኩላቸው በክልሉ መንግሥት የተወሰደው የዞኖች አደረጃጀት እርምጃ ጊዜውን የጠበቀ መሆኑን ገልጸዋል። 

 

የላሎ አሳቢ ወረዳ ነዋሪዋ ወይዘሮ መሠረት ጎቤና፤ ዞኖች በአዲስ መዋቅር እንዲደራጁ መደረጉ የሕብረተሰቡን ተጠቃሚነት ለማረጋገጥ ከፍተኛ አስተዋፅኦ እንዳለው ገልጸዋል። 

 

የኦሮሚያ ክልል ከዚህ ቀደም 21 የነበሩትን ዞኖች ወደ 6 ዞኖች በአዲስ መልክ እንዲደራጁ ማድረጉ ይታወቃል።