ጠላቶች ኢትዮጵያን ለማተራመስ የፈጠሩት ጥምረት እየመከነ ነው - አብረሃም በላይ (ዶ/ር) - ኢዜአ አማርኛ
ቀጥታ፡
ጠላቶች ኢትዮጵያን ለማተራመስ የፈጠሩት ጥምረት እየመከነ ነው - አብረሃም በላይ (ዶ/ር)
አዲስ አበባ፣ መስከረም 23/ 2019 (ኢዜአ) ፦የውጭ ጠላቶች እና የውስጥ ባንዳዎች ተናበው ኢትዮጵያን ለማተራመስ የፈጠሩት ጥምረት በጸጥታ ኃይሎች እየመከነ መሆኑን አብረሃም በላይ (ዶ/ር)።
አብረሃም በላይ (ዶ/ር) በወቅታዊ ጉዳዮች ላይ ከፋና ሚዲያ ኮርፖሬሽን ጋር ባደረጉት ቃለ ምልልስ እንዳሉት፤ ኢትዮጵያ በትርምስ ውስጥ እንድትቆይ የሚፈልጉ ታሪካዊ ጠላቶች ተናበው በመስራት ላይ ናቸው።
የኢትዮጵያ ጠላቶች ከውስጥ ባንዳዎች ጋር በመቀናጀት የከፈቱት ጥቃት በመከላከያ ሠራዊት እየተቀለበሰ መሆኑን አብራርተዋል።
ኢትዮጵያ አቅሟ እንዳይዳብር እና ጠንካራ እንዳትሆን የሚፈልጉ የውጭ ኃይሎች፣ በተለይም የኤርትራ (ሻዕቢያ) መንግሥት ከህገ ወጡ ሕወሃት እና ከሌሎችም ጸረ-ሰላም ኃይሎች ጋር በመቀናጀት ትጥቅ በማስታጠቅ እና ሠራዊት በማዝመት በጦርነቱ በቀጥታ መሳተፋቸውን ጠቁመዋል።
ይሁን እንጂ የኢትዮጵያ የጸጥታ ተቋማት ባላቸው ከፍተኛ ወታደራዊ ዲሲፕሊን፣ የቴክኖሎጂ አቅም እና ዝግጁነት የጥፋት ኃይሎቹን ተልዕኮ እያመከኑ ነው ብለዋል።
በተለይም የትግራይ ሕዝብ የቡድኑን የጥፋት መንገድ በመገንዘብ ጀርባ የሰጠው በመሆኑ፣ የጥፋት ጥምረቱ ዓላማ ሊሳካ አለመቻሉ አብራርተዋል።
#ትልቅ_ሀገር #ትልቅ_ህዝብ #ታላቅ_ርዕይ
