አትሌቲኮ ማድሪድ ሪያል ማድሪድን አሸነፈ

አዲስ አበባ፤መስከረም 10/2019 (ኢዜአ):- በስፔን ላሊጋ ተጠባቂ በነበረው የማድሪድ ደርቢ ጨዋታ አትሌቲኮ ማድሪድ ሪያል ማድሪድን 2 ለ 1 በሆነ ውጤት አሸንፏል።

በጨዋታው የአትሌቲኮ ማድሪድን የድል ግቦች አሌክስ ግሪማልዶ እና ጆናታን ዴቪድ ያስቆጠሩ ሲሆን፣ ለሎስ ብላንኮዎቹ (ሪያል ማድሪድ) ብቸኛዋን ግብ አንቶኒዮ ሩዲገር ማስቆጠር ችሏል።

ይህንን ውጤት ተከትሎ ሪያል ማድሪድ በውድድር ዘመኑ ሁለተኛ የላሊጋ ሽንፈቱን አስተናግዷል።

በአሁኑ ሰዓት በላሊጋው የደረጃ ሰንጠረዥ አትሌቲኮ ማድሪድ በ16 ነጥብ 2ኛ ደረጃ ላይ ሲቀመጥ፣ሪያል ማድሪድ በ15 ነጥብ 3ኛ ደረጃ ላይ ይገኛል።

በሊጉ ያደረጋቸውን ተከታታይ 7 ጨዋታዎች ያሸነፈው የካታላኑ ክለብ ባርሴሎና ላሊጋውን በ21 ነጥቦች ይመራል።