በተጠባቂው የደርቢ ጨዋታ ማንችስተር ሲቲ ወሳኝ ድል ተቀዳጅቷል

አዲስ አበባ፤ መስከረም 3/2019 (ኢዜአ)፦ በእንግሊዝ ፕሪሚየር ሊግ የአራተኛ ሳምንት መርሐ ግብር ማንችስተር ሲቲ ማንችስተር ዩናይትድን 1 ለ 0 አሸንፏል።

ማምሻውን በኦልትራፎርድ ስታዲየም በተካሄደው ጨዋታ አርሊንግ ሃላንድ በ60ኛው ደቂቃ የማሸነፊያውን ጎል አስቆጥሯል።

ሃላንድ በውድድር ዓመቱ ያስቆጠራቸውን ጎሎች ብዛት ወደ አራት በማድረስ የከፍተኛ ጎል አስቆጣሪነቱን መምራት ጀምሯል።

የማንችስተር ሲቲው ፊል ፎደን በ23ኛው ደቂቃ በቀይ ካርድ ከሜዳ ተሰናብቷል።

ባለሜዳው ማንችስተር ዩናይትድ ያገኘውን የቁጥር ብልጫ መጠቀም አልቻለም።

በ10 ተጫዋች አብዛኛውን የጨዋታ ክፍለ ጊዜ ለመጫወት የተገደደው ማንችስተር ሲቲ ድል ቀንቶታል።

በ199ኛው የማንችስተር ደርቢ ድል የቀናው ሲቲ በ12 ነጥብ ተመሳሳይ ነጥብ ባለው አርሰናል በግብ ክፍያ ተበልጦ ሁለተኛ ደረጃን ይዟል።

በአንጻሩ በውድድር ዓመቱ ሁለተኛ ሽንፈቱን ያስተናገደው ማንችስተር ዩናይትድ በአራት ነጥብ 13ኛ ደረጃ ላይ ይገኛል።

ቀን ላይ በተደረገ ጨዋታ ብራይተን ኮቨንተሪ ሲቲን 5 ለ 0 ረትቷል።

ጨዋታዎቹን ተከትሎ አራተኛ ሳምንት ተጠናቋል።

የአምስተኛ ሳምንት መርሐ ግብር ከመስከረም 8 ቀን 2019 ዓ.ም አንስቶ ይካሄዳል።