አርሰናል የሊጉን መሪነት ከማንችስተር ሲቲ ተረከበ

አዲስ አበባ፤ መስከረም 2/2019 (ኢዜአ):- የእንግሊዝ ፕሪሚየር ሊግ የአራተኛ ሳምንት መርሐ ግብር አርሰናል ሰንደርላንድን 2 ለ 0 አሸንፏል።

ማምሻውን በስታዲየም ኦፍ ላይት በተደረገው ጨዋታ አዲስ ፈራሚ ብሩኖ ጉማራይሽ በ58ኛው ደቂቃ በግሩም ሁኔታ የመጀመሪያውን ግብ ከመረብ ላይ አሳርፏል።

በ75 ሚሊዮን ፓውንድ ከኒውካስትል ዩናይትድ የፈረመው ጉማራይሽ የመጀመሪያ ጎሉን አስቆጥሯል።

ግቧ የተቆጠረችው የሰንደርላንዱ ኤንዞ ላፌ በ56ኛው ደቂቃ ፍጹም ቅጣት ምት ከሳተበት አጋጣሚ በኋላ ነው።

ፍጹም ቅጣት ምቱን የአርሰናሉ ግብ ጠባቂ ዴቪድ ራያ በግሩም ሁኔታ አድኖታል።

ቡካዮ ሳካ በ97ኛው ደቂቃ ሁለተኛውን ጎል በፍጹም ቅጣት ምት ከመረብ ላይ አሳርፏል።

በውድድር ዓመቱ ሶስተኛ ጎሉን አስቆጥሯል።

የሰንደርላንዱ ሬናልዶ በሁለት ቢጫ በ96ኛው ደቂቃ በቀይ ካርድ ወጥቷል።

ጨዋታው ተመጣጣኝ እና አዝናኝ ፉክክር ተደርጎበታል።

አራተኛ የሊግ ድሉን ያስመዘገበው የወቅቱ ሻምፒዮን አርሰናል በ12 ነጥብ የሊጉን መሪነት ከማንችስተር ሲቲ ተረክቧል።

በውድድር ዓመቱ ሁለተኛ ሽንፈቱን ያስተናገደው ሰንደርላንድ በአራት ነጥብ 14ኛ ደረጃ ላይ ይገኛል።

ሰንደርላንድ ከእ.አ.አ 2009 በኋላ አርሰናልን በሊጉ አሸንፎ አያውቅም።