አርጀንቲናው ኮከብ ሊዮኔል ሜሲ ከብሔራዊ ቡድኑ ራሱን አገለለ

 አዲስ አበባ፤ ነሐሴ 25/2018 (ኢዜአ)፦  የ39 ዓመቱ ሊዮኔል ሜሲ ከአርጀንቲና ብሔራዊ ቡድን ራሱን ማግለሉን ይፋ አድርጓል።
 
ሜሲ በኢንስታግራም ገጹ ባሰፈረው መልዕክት ከፍጻሜው ጨዋታ አንስቶ ነገሮችን በጥልቀት ካሰብኩ በኋላ፣ ከብሔራዊ ቡድን ራሴን ማግለሌን ለሁሉም ማሳወቅ እፈልጋለሁ ሲል ተናግሯል።
 
ውሳኔው ውስጤን ቢጎዳውም እና በጣም ስሜታዊ የሚያደርገኝ ቢሆንም ራሴን የማግለሉ ጊዜ አሁን ነው ብሏል።
 
የአርጀንቲናን ማልያ ለብሼ የምችለውን ሁሉ አድርጊያሁ፣ አርጀንቲናዊ በመሆናችሁ ኩራት እንዲሰማችሁ ለማድረግም ሁሉንም ነገር ሰጥቻለሁ ብሏል።
 
ሜሲ አያይዞም የብሔራዊ ቡድን ቆይታው ሁልጊዜ በልቡ እንደሚኖር ገልጾ፣ አሁን ላይ አዲስ እና ወጣት ተጫዋቾች ዕድሉን ማግኘት እንዳለባቸው አንስቷል።
 
ይህንን የስንብት ጽሑፍ የጻፈው ከዓለም ዋንጫው ፍጻሜ ጨዋታ ከሁለት ቀናት በኋላ እንደነበር ገልጾ፣ ከአባቱ ሞት በኋላ እያሳለፈው ያለው ጊዜ ዛሬ ላይ ውሳኔውን እንዲያሳልፍ እንዳስገደደው አመልክቷል።
 
በእነዚህ 20 ዓመታት ውስጥ አርጀንቲናውያን ላሳዩት  ፍቅር ምስጋና ያቀረበ ሲሆን ከብሔራዊ ቡድኑ ጎን በመልካምም በክፉም ጊዜ እንደሚቆም ተናግሯል።
 
የሜሲ ውሳኔ የዓለም አቀፍ መገናኛ ብዙሃን መነጋገሪያ ሆኗል።

ሊዮኔል ሜሲ ከእ.አ.አ ከ2005 እስከ 2026 በአርጀንቲና ማልያ ባደረጋቸው 207 ጨዋታዎችን 125 ጎሎችን ከመረብ ላይ በማሳረፍ የምንጊዜም የሀገሩ ከፍተኛ ግብ አስቆጣሪ ሆኗል።
 
በአርጀንቲና ማልያ 65 ለጎል የሚሆኑ ኳሶችን አመቻችቶ አቀብሏል።
 
በቅርቡ በተካሄደው 23ኛው የፊፋ ዓለም ዋንጫ ስምንት ጎሎችን ያስቆጠረ ሲሆን በአጠቃላይ በውድድሩ ላይ 22 ግቦችን ከመረብ ላይ በማሳረፍ ከፈረንሳዊው ኪሊያን ምባፔ (23 ጎሎች) በመቀጠል በዓለም ዋንጫው የምንጊዜም ከፍተኛ ግብ አስቆጣሪ ደረጃ ዝርዝር ውስጥ ተቀምጧል።
 
ሊዮኔል ሜሲ በታሪኩ በአጠቃላይ 46  ዋንጫዎችን በማንሳት በእግር ኳስ ታሪክ ከፍተኛውን የዋንጫ ብዛት የሰበሰበ ባለክረብ-ወሰን ተጫዋች ነው።
 
ሊዮኔል ሜሲ ከአርጀንቲና ብሔራዊ ቡድን ጋር በአጠቃላይ የተለያዩ ዋንጫዎችን አንስቷል።
 
የፊፋ ዓለም ዋንጫ ፣ ሁለት የኮፓ አሜሪካ ዋንጫዎች፣ የአውሮፓ እና ደቡብ አሜሪካ ሻምፒዮናዎችን ያገናኘው የፋይናሊሲማ ዋንጫ፣ እንዲሁም  የኦሊምፒክ የወርቅ ሜዳሊያ እና  ከ20 ዓመት በታች የዓለም ዋንጫ ክብርን ተጎናጽፏል።
 
ሊዮኔል ሜሲ በአሁኑ ሰዓት ለአሜሪካው ኢንተር ሚያሚ ክለብ እየተጫወተ ይገኛል።