ማንችስተር ሲቲ ተከታታይ ድሉን አስመዘገበ

አዲስ አበባ፤ነሐሴ 23/2018 (ኢዜአ)፦ በእንግሊዝ ፕሪሚየር ሊግ የሁለተኛ ሳምንት የመጀመሪያ መርሐ ግብር ማንችስተር ሲቲ ክሪስታል ፓላስን 4 ለ 1 ረትቷል።

ማምሻውን በሰልኸረስት ፓርክ ስታዲየም አርሊንግ ሃላንድ እና ራያን ቸርኪ በተመሳሳይ ሁለት ግቦችን አስቆጥረዋል።

የማንችስተር ሲቲው ግብ ጠባቂ ጂያንሉዋጂ ዶናሩማ በራሱ ላይ ያስቆጠረው ጎል የፓላስ ግብ ሆኖ ተመዝግቧል።

በጨዋታው ብልጫ የወሰደው ማንችስተር ሲቲ ተጨማሪ ግቦችን ማስቆጠር የሚችልባቸውን እድሎች መጠቀም አልቻለም።

ባለሜዳው ክሪስታል ፓላስ በቂ የግብ እድሎችን መፍጠር ተስኖታል።

ሁለት ግቦችን በማስቆጠር ድንቅ እንቅስቃሴ ያደረገው ራያን ቸርኪ የጨዋታው ኮከብ ተጫዋች በመባል ተመርጧል።

በ85 ሚሊዮን ፓውንድ ከሊል ማንችስተር ሲቲን የተቀላቀለው አዩብ ቡአዲ ተቀይሮ በመግባት የመጀመሪያ ጨዋታውን አድርጓል።

ውጤቱን ተከትሎ ማንችስተር ሲቲ ተከታታይ ድሉን በማስመዝገብ ሊጉን መምራት ተችሏል።

በአንጻሩ የለንደኑ ክለብ ክሪስታል ፓላስ ተከታታይ ሽንፈቱን አስተናግዷል።

በሶስተኛው ሳምንት መርሐ ግብር ክሪስታል ፓላስ ከፉልሃም፣ ማንችስተር ሲቲ ከኮቨንተሪ ሲቲ ጨዋታቸውን ያደርጋሉ።

የፕሪሚየር ሊጉ የሁለተኛ ሳምንት መርሐ ግብር እስከ ነሐሴ 25 ቀን 2018 ዓ.ም ይቆያል።