የኢትዮጵያ ሀገራዊ ምክክር ጉባኤ የማጠቃለያ መርሐ ግብር እየተካሄደ ነው

አዲስ አበባ፤ ነሐሴ 16/2018 (ኢዜአ)፦ የኢትዮጵያ ሀገራዊ ምክክር ጉባኤ የማጠቃለያ መርሐ ግብር በአዲስ ዓለም አቀፍ ኮንቬንሽን ማዕከል በመካሄድ ላይ ይገኛል።

በማጠቃለያ መርሃ ግብሩ ላይ የኢፌዴሪ ፕሬዝዳንት ታዬ አጽቀሥላሴ፤ የሕዝብ ተወካዮች ምክር ቤት አፈ-ጉባኤ ታገሰ ጫፎ፣ የፌዴሬሽን ምክር ቤት አፈ ጉባኤ አገኘሁ ተሻገር፣ የኢጋድ ዋና ጸኃፊ ወርቅነህ ገበየሁ (ዶ/ር)፣ የቀድሞው የኬንያ ፕሬዝዳንት ኡሁሩ ኬኒያታ፣ የቀድሞው የናይጀሪያ ፕሬዝዳንት ኦሊሴንጎን ኦባሳንጆ እንዲሁም የመንግስት ከፍተኛ የሥራ ኃላፊዎች ተገኝተዋል።

ከሐምሌ 8 ቀን 2018 ዓ.ም አንስቶ ሲካሄድ የቆየው የኢትዮጵያ ሀገራዊ ምክክር ጉባኤ የተሳካ ምክክር በማካሄድ ኢትዮጵያ ያሸነፈችበት ነው።

በምክክሩ አጠቃላይ ሂደትም ኢትዮጵያ ከራሷ አልፎ ለመላ አፍሪካዊያን ምሳሌ የሚሆን ስራ አከናውናበታለች።