በአፍሪካ ህብረት የሥራ አስፈጻሚዎች ስብሰባ የሚሳተፉ ልዑካን አዲስ አበባ መግባት ጀመሩ

‎አዲስ አበባ፤ሐምሌ 19/2018(ኢዜአ)፦‎በ49ኛው የአፍሪካ ህብረት የሥራ አስፈጻሚዎች ስብሰባ ለመሳተፍ የአፍሪካ ሀገራት ልዑካን ቡድን አዲስ አበባ መግባት ጀምረዋል።
‎
‎በዚሁ መሠረት የብሩንዲ የውጭ ጉዳይ ሚኒስትር አምባሳደር ዶክተር ኤድዋርድ ቢዚማና አዲስ አበባ ገብተዋል።

‎
‎አምባሳደር ዶክተር ኤድዋርድ ቢዚማና ቦሌ ዓለም አቀፍ አውሮፕላን ማረፍያ ሲደርሱ በውጭ ጉዳይ ሚኒስቴር የፕሮቶኮል ሹም መላኩ በዳዳ አቀባበል ተደርጎላቸዋል።
‎
‎49ኛው የአፍሪካ ህብረት የሥራ አስፈጻሚዎች ስብሰባ ከሐምሌ 21 እስከ 22 ቀን 2018 ዓ.ም ድረስ ለሁለት ቀናት በአዲስ አበባ ይካሄዳል።
‎
‎በጉባኤው ለመሳተፍ የሌሎች የአፍሪካ ሀገራት ሚኒስትሮች እና የልዑካን ቡድን አባላትም አዲስ አበባ በመግባት ላይ ይገኛሉ።