ማንችስተር ሲቲ ወሳኝ ድል ተቀዳጀ

አዲስ አበባ፤ ግንቦት6/2018 (ኢዜአ)፦ በእንግሊዝ ፕሪሚየር ሊግ የ31ኛ ሳምንት ተስተካካይ መርሐ ግብር ማንችስተር ሲቲ ክሪስታል ፓላስን 3 ለ 0 አሸንፏል።

ትናንት ማምሻውን በኢትሃድ ስታዲየም በተካሄደው ጨዋታ አንቶዋን ሴሜንዮ ፣ ኦማር ማርሙሽ እና ሳቪኒዮ ግቦቹን ከመረብ ላይ አሳርፈዋል።

ባለሜዳው ሲቲ ሙሉ ብልጫ ወስዶ ተጫውቷል።

በሊጉ 23ኛ ድሉን ያስመዘገበው ማንችስተር ሲቲ በ77 ነጥብ ሁለተኛ ደረጃን ይዟል።

ማንችስተር ሲቲ ከሊጉ መሪ አርሰናል ጋር ያለውን የነጥብ ልዩነት ወደ ሁለት ዝቅ አድርጓል። በዋንጫ ፉክክሩ ወሳኝ ሶስት ነጥብ አግኝቷል። በሊጉ መሪ አርሰናል ላይ ጫና ማሳደሩን ቀጥሏል።

በአንጻሩ በውድድር ዓመቱ 14ኛ ሽንፈቱን ያስተናገደው ክሪስታል ፓላስ በ44 ነጥብ 15ኛ ደረጃ ላይ ይገኛል።