ፍትህ ወልደሰንበት (ዶ/ር)  የአፍሪካ እጅ ኳስ ኮንፌዴሬሽን ዞን አምስት ፕሬዝዳንት ሆነው ተመረጡ 

አዲስ አበባ፤ታህሳስ 11/2018(ኢዜአ):- የኢትዮጵያ እጅ ኳስ ፌዴሬሽን ፕሬዝዳንት ፍትህ ወልደሰንበት (ዶ/ር) የአፍሪካ እጅ ኳስ ኮንፌዴሬሽን ዞን አምስት ፕሬዝዳንት ሆነው በድጋሚ ተመርጠዋል። 

የአፍሪካ እጅ ኳስ ኮንፌዴሬሽን ዞን አምስት ስብስባ በግብጽ ካይሮ ተካሄዷል። 

በስብሰባው ላይ የዞን አምስት አባል ሀገራት ፍትህ ወልደሰንበት (ዶ/ር)  የአፍሪካ እጅ ኳስ ኮንፌዴሬሽን ዞን አምስት ፕሬዝዳንት  እንዲሆኑ በድጋሚ መርጠዋቸዋል። 

ፍትህ ወልደሰንበት (ዶ/ር) የአባል ሀገራቱን ሙሉ ድጋፍ ማግኘታቸውን የኢትዮጵያ እጅ ኳስ ፌዴሬሽን መረጃ ያመለክታል።

ፕሬዝዳንቱ ፌዴሬሽኑን ለቀጣይ አራት ዓመታት ይመራሉ። 

ፍትህ ወልደሰንበት (ዶ/ር) እ.አ.አ 2021 አንስቶ ኮንፌዴሬሽኑን በፕሬዝዳንት እያገለገሉ ይገኛል። 

ኢትዮጵያ፣ ኬንያ፣ ብሩንዲ፣ ጅቡቲ፣ ሩዋንዳ፣ ታንዛንያ፣ ሱዳን፣ ደቡብ ሱዳን፣ ዩጋንዳ፣ ሶማሊያ እና ግብጽ የአፍሪካ እጅ ኳስ ኮንፌዴሬሽን ዞን አምስት አባል ሀገራት ናቸው።