ታላቁ የኢትዮጵያ ሕዳሴ ግድብ በስኬት መጠናቀቁን ተከትሎ በሲዳማ ክልል ህዝባዊ የድጋፍ ሰልፍ እየተካሄደ ነው

‎ሀዋሳ፤ መስከረም 13/2018(ኢዜአ)፦ በ"ህብረት ችለናል" በሚል መሪ ሀሳብ ታላቁ የኢትዮጵያ ሕዳሴ ግድብ ግንባታ በስኬት መጠናቀቁን ተከትሎ በሲዳማ ክልል አቀፍ ህዝባዊ የድጋፍ ሰልፍ በሀዋሳ ከተማ እየተካሄደ ነው ይገኛል ።

የድጋፍ ሰልፉ የክልሉ ርዕሰ መተዳድር አቶ ደስታ ሌዳሞን ጨምሮ ሌሎች ከፍተኛ አመራሮች በተገኙበት ነው እየተካሄደ የሚገኘው ።

ከማለዳው 12 ሰዓት ጀምሮ ከክልሉ ከተለያዩ አካበቢዎች ወደ ሀዋሳ ሚሊኒየም አደባባይ የተመሙ ነዋሪዎች በታላቁ የኢትዮጵያ ሕዳሴ ግድብ ግንባታ መጠናቀቅ የተሰማቸውን ደስታ በዜማና ቤሎች መርሃ ግብሮች እየገለጹ ይገኛሉ።

‎ሰልፈኞቹ "ታላቁ የሕዳሴ ግድብ መጠናቀቅ የብልፅግናችን ምልክት ነው" ፣ "በህብረት ችለናል" ፣ "ግድቡን በስኬት ማጠናቀቅ የድል ሽልማታችን ነው" ፣ "ግድባችን የህብረብሔራዊነታችንና የአንድነታችን መሠረት ነው" ፣ "የህዳሴ ግድብ የኢትዮጵያ ማንሰራራት ምልክት ነው" የሚሉና ሌሎች መልዕክቶችን እያስተላለፉ ይገኛሉ።

የሕዳሴ ግድብ ግንባታ ሂደት  በተለያዩ ጫናዎችና ፈተናዎች አልፎ ጳጉሜን 4 ቀን 2017 ዓም በይፋ መመረቁ የሚታወስ ነው።