የታንዛንያ የውጭ ጉዳይ ሚኒስትር በኢትዮ-ታንዛንያ የጋራ ሚኒስትሮች ስብሰባ ላይ ለመሳተፍ አዲስ አበባ ገቡ

አዲስ አበባ፤ ታህሳስ 7/2017(ኢዜአ):- የታንዛንያ የውጭ ጉዳይ እና የምስራቅ አፍሪካ ትብብር ሚኒስትር አምባሳደር ማሕሙድ ታቢት ኮምቦ በኢትዮ-ታንዛንያ የጋራ የሚኒስትሮች ስብስባ ላይ ለመሳተፍ ዛሬ አዲስ አበባ ገብተዋል።

አምባሳደር ማሕሙድ ቦሌ ዓለም አቀፍ አየር ማረፊያ ሲደርሱ የውጭ ጉዳይ ሚኒስትር ዴኤታ አምባሳደር ምስጋኑ አርጋ አቀባበል አድርገውላቸዋል።

የኢትዮ-ታንዛንያ የጋራ የሚኒስትሮች የመጀመሪያ ስብስባ ነገ በአዲስ አበባ ይካሄዳል።

የኮሚሽኑ ስብስባ የሁለቱን አገራት የሁለትዮሽ ግንኙነት የማጠናከር እና የጋራ ትብብራቸውን ይበልጥ ለማጎልበት ቁልፍ ሚና እንደሚጫወት የውጭ ጉዳይ ሚኒስቴር መረጃ ያመለክታል።