በኦሮሚያ ክልል የአጀንዳ ማሰባሰብ ምክክር ምዕራፍ ከታህሳስ 7 እስከ 15/2017 ድረስ ይካሄዳል

አዲስ አበባ፤ ህዳር 30/2017(ኢዜአ)፦ የኢትዮጵያ ሀገራዊ ምክክር ኮሚሽን በኦሮሚያ ክልል የአጀንዳ ማሰባሰብ ምክክር ምዕራፍ ከታህሳስ 7 እስከ 15/2017 ዓ.ም ድረስ እንደሚካሄድ አስታወቀ፡፡

ኮሚሽኑ በኦሮሚያ ክልል የአጀንዳ ማሰባሰብ ምክክር ምዕራፍን ለመጀመር ዝግጅት እያደረገ መሆኑንና አጀንዳ የማሰባሰብ መርሃ-ግብሩ ከታህሳስ 7 እስከ 15 /2017 ዓ.ም ድረስ በአዳማ ከተማ እንደሚካሄድ ገልጿል፡፡

በሂደቱም፦ 7 ሺህ 20 የወረዳ የህብረተሰብ ክፍል ወኪሎች፣ 356 ወረዳዎች፣ 1ሺህ 300 የክልል ባለድርሻ አካላት፣ 48 ሞደሬተሮች፣ 356 የክልሉ ተባባሪ አካላት እና 150 በጎ ፈቃደኛ ተማሪዎች እንደሚሳተፉም ኮሚሽኑ ባወጣው መረጃ አመልክቷል።