የኮማንዶና አየር ወለድ ዕዝ ማሰልጠኛ ያሰለጠናቸውን ወታደሮች አስመረቀ

አዲስ አበባ፤ መስከረም 26/ 2017 (ኢዜአ)፦ብላቴ የሚገኘው የኮማንዶና አየር ወለድ ዕዝ ማሰልጠኛ ያሰለጠናቸውን መሠረታዊ ወታደሮች በዛሬው እለት አስመርቋል።

በምረቃ መርሃ- ግብሩ ላይ የጦር ኃይሎች ጠቅላይ ኢታማዦር ሹም አማካሪ እና የተኩስ አመራር ኃላፊ ሌተናል ጀኔራል አለምሸት ደግፌ በክብር እንግድነት የተገኙ ሲሆን ጀኔራል መኮንኖች ፣ ከፍተኛ የሠራዊቱ አመራሮች እና ጥሪ የተደረገላቸው እንግዶችም ታድመዋል።

ከተለያዩ የሀገሪቱ ክፍሎች ለውትድርና ሙያ ተመልምለው ስልጠና የወሰዱ መሰረታዊ ወታደሮችም ብቃታቸውን የሚያመላክቱ ወታደራዊ ትርኢቶችን ማሳየታቸውን ከመከላከያ ሰራዊት የተገኘው መረጃ ያመለክታል።