የኢትዮጵያ ካቶሊካዊት ቤተክርስቲያን ለተጎጂ  ወገኖች 1 ነጥብ 7 ሚሊዮን ብር  የሚገመት የምግብና ቁሳቁስ ድጋፍ አደረገች 

ሳውላ ጎፋ ፤ሐምሌ 25 / 2016(ኢዜአ)፡- የኢትዮጵያ ካቶሊካዊት ቤተክርስቲያን በጎፋ ዞን ገዜ ጎፋ ወረዳ  ኬንቾ ሻቻ ጎዝዲ ቀበሌ በመሬት መንሸራተት አደጋ ለተጎዱ ወገኖች 1 ነጥብ 7 ሚሊዮን ብር  የሚገመት የምግብና  ቁሳቁስ ድጋፍ አደረገች ።

በቤተክርስቲያኗ የሆሳዕናና የሶዶ ሀገረስብከት ሀዋሪያዊ አስተዳደሪ አቡነ ስዩም ፍራንሷ  ድጋፉን ለጎፉ ዞን አስተዳደር አስረክበዋል ።

 

አቡነ ስዩም ድጋፉን ባስረከቡበት ወቅት፤ በወገኖቻችን ላይ የደረሰው አሰቃቂ አደጋ በሰማን ጊዜ እንደ ቤተክርስቲያን እጅግ አሳዝኖናል ብለዋል።

ቤተክርስቲያኗ ቀጣይነት ባለው መልኩ ዘላቂ የመልሶ ማቋቋም ሥራ ላይም ድጋፏን እንደምታጠናክር  አረጋግጠዋል ።

ድጋፉን የተረከቡት የጎፋ ዞን ዋና አስተዳዳሪ ኢንጂነር ዳግማዊ አየለ፤ የኢትዮጵያ ካቶሊካዊት ቤተክርስቲያን ላደረገችው ድጋፍ ምስጋና አቅርበዋል።