የኢትዮጵያ ብሔራዊ ቡድን በ35ኛው የአፍሪካ ዋንጫ ማጣሪያ በምድብ 8 ተደለደለች

አዲስ አበባ፤ ሰኔ 27/2016(ኢዜአ፦ኢትዮጵያ በሞሮኮ አስተናጋጅነት በሚካሄደው 35ኛ የአፍሪካ ዋንጫ ማጣሪያ በምድብ 8 ከጊኒ፣ታንዛንያና ዴሞክራቲክ ሪፐብሊክ ኮንጎ ጋር ተደልድላለች።

የአፍሪካ እግር ኳስ ኮንፌዴሬሽን(ካፍ) የ35ኛው የአፍሪካ ዋንጫ የማጣሪያ ድልድል የዕጣ ማውጣት ስነ ስርዓት ዛሬ በደቡብ አፍሪካ ጆሃንስበርግ አድርጓል።

በዚሁ መሰረት የኢትዮጵያ ብሔራዊ ቡድን በምድብ 8 ከጊኒ፣ታንዛንያና ዴሞክራሲ ሪፐብሊክ ኮንጎ ጋር ተደልድላለች።

በአፍሪካ ዋንጫ ማጣሪያ 48 አገራት በ12 ምድብ ተከፍለው ጨዋታቸውን ያደርጋሉ።

የማጣሪያ ጨዋታዎች በመስከረም ወር 2017 ዓ.ም ይጀምራሉ።

በ35ኛው የአፍሪካ ዋንጫ 24 አገራት ይሳተፋሉ።