ጠቅላይ ሚኒስትር ዐቢይ አሕመድ (ዶ/ር) በወጣትነት ዘመናቸው ሰላም አስከባሪ በመሆን ጭምር ሩዋንዳን ከችግር ለመታደግ አግዘዋል- ፕሬዝዳንት ፖል ካጋሚ

አዲስ አበባ፤ መጋቢት 29/2016(ኢዜአ)፦ጠቅላይ ሚኒስትር ዐቢይ አሕመድ (ዶ/ር) በወጣትነት ዘመናቸው ሰላም አስከባሪ በመሆን ጭምር ሩዋንዳን ከችግር ለመታደግ አግዘዋል ሲሉ የሩዋንዳው ፕሬዝዳንት ፖል ካጋሚ ገለጹ፡፡

ጠቅላይ ሚኒስትር ዐቢይ አሕመድ (ዶ/ር) የሩዋንዳውያን የ"ኪዊቡካ 30" ዓመት መታሰቢያ መርሐ ግብር ላይ ታድመዋል፡፡

መርሃ ግብሩ በሩዋንዳ የተፈጸመውን የዘር ጭፍጨፋ 30ኛ ዓመት የሚያስብ ነው፡፡

በመርሃ ግበሩ ላይ ንግግር ያደረጉት የሩዋንዳው ፕሬዝዳንት ፖል ካጋሚ ሩዋንዳን በወቅቱ ከገጠማት ችግር ለመታደግ በርካታ የአፍሪካ አገራት እገዛ አድርገዋል ነው ያሉት፡፡

በዚህ ረገድ የኢትዮጵያ መንግስትን ያመሰገኑ ሲሆን፤ ጠቅላይ ሚኒስትር  ዐቢይ አሕመድ (ዶ/ር) በወጣትነት ዘመናቸው ሰላም አስከባሪ በመሆን ጭምር ሩዋንዳን ከችግር ለመታደግ አግዘዋል በማለት ተናግረዋል፡፡