ቀጥታ፡

የአፍሪካ ህብረት ሊቀ መንበር ሆነው ለተመረጡት የሞሪታኒያ ፕሬዝዳንት የእንኳን ደስ አልዎት መርሃ-ግብር ተካሄደ

አዲስ አበባ፤ የካቲት 11/2016(ኢዜአ)፦ የሞሪታኒያው ፕሬዝዳንት ሞሃመድ ኦውልድ ጉዙዋኒ ለመጪው አንድ ዓመት የአፍሪካ ህብረት ሊቀ መንበር ሆነው በመመረጣቸው የእንኳን ደስ አልዎት መርሃ-ግብር ዛሬ ተካሂዷል።


 

በቦሌ አለም አቀፍ አየር ማረፊያ በተካሄደው ስነ-ስርዓት ላይ የትራንስፖርት እና ሎጀስቲክ ሚኒስትር ዓለሙ ስሜ(ዶ/ር) እና የውጭ ጉዳይ ሚኒስትር ዴኤታ አምባሳደር ብርቱካን አያኖ ተገኝተዋል።

ተመራጩ ፕሬዝዳንት ሞሃመድ ኦውልድ ጉዙዋኒ በኢትዮጵያ በነበራቸው ቆይታ ደስተኛ መሆናቸውን ገልፀው ለተደረገላቸው መስተንግዶ ምስጋና ማቅረባቸውን ከውጭ ጉዳይ ሚኒስቴር የተገኘው መረጃ ያመላክታል።

©
የኢትዮጵያ ዜና አገልግሎት
2015
ዓ.ም