የኢትዮጵያ ፕሪሚየር ሊግ የመጀመሪያ ሳምንት ጨዋታዎች ዛሬም ቀጥለው ይካሄዳሉ

አዲስ አበባ፤ መስከረም 25/2016 (ኢዜአ)፦የኢትዮጵያ ፕሪሚየር ሊግ የመጀመሪያ ሳምንት መርሐ-ግብር ዛሬ ሁለት ጨዋታዎች በአዳማ ሳይንስና ቴክኖሎጂ ዩኒቨርሲቲ ስታዲየም ይደረጋሉ።

ሻሸመኔ ከተማ ከወላይታ ድቻ ከቀኑ 9 ሰዓት እንዲሁም ሀምበሪቾ ዱራሜ ከድሬዳዋ ከተማ ከምሽቱ 12 ሰዓት ይጫወታሉ።

ሀምበሪቾ ዱራሜ እና ሻሸመኔ ከተማ በዘንድሮው የውድድር ዓመት ወደ ፕሪሚየር ሊጉ ያደጉ ክለቦች ናቸው።

ነገ የሊጉ መርሐ-ግብር ሲቀጥል ሃዋሳ ከተማ ከፋሲል ከነማ ከቀኑ 9 ሰዓት፤ ሀዲያ ሆሳዕና ከመቻል ከምሽቱ 12 ሰዓት ጨዋታቸውን ያደርጋሉ።

የ2016 ዓ.ም የኢትዮጵያ ፕሪሚየር ሊግ ውድድር መስከረም 20/2016 መጀመሩ ይታወቃል።

በመክፈቻው ቀን በተደረጉ ጨዋታዎች  የአዳማ ከተማ እና ኢትዮጵያ ንግድ ባንክ ጨዋታ ያለ ምንም ግብ በአቻ ውጤት ሲጠናቀቅ ኢትዮጵያ ቡና ሲዳማ ቡናን 1 ለ 0 ማሸነፉ የሚታወስ ነው።

የፕሪሚየር ሊጉ የመጀመሪያ ሳምንት መርሐ-ግብር እስከ መስከረም 27/2016 የሚቆይ ይሆናል።