3ተኛዉ አለም አቀፍ የመድሃኒት አቅራቢዎች ጉባኤ በአዲስ አበባ እየተካሄደ ነው

አዲስ አበባ ፤ መስከረም 14/2016 (ኢዜአ)፦ 3ተኛዉ አለም አቀፍ የመድሃኒት አቅራቢዎች ጉባኤ በአዲስ አበባ እየተካሄደ ነው::

ጉባኤው በኢትዮጵያ መድሃኒት አቅራቢ አገልግሎት አዘጋጅነት የተደረገ ሲሆን የተለያዩ አለም አቀፍ የመድሃኒት አቅራቢዎችና ባለድርሻ አካላት እየተሳተፉ ይገኛል::

 

የኢትዮጵያ መድሃኒት አቅራቢ አገልግሎት ዋና ዳይሬክተር ዶክተር አብዱልቃድር ገልገሎ በዚሁ ወቅት እንደገለፁት የአንድ ሀገር የብልፅግና ጉዞ እውን ከሚያደርጉ ጉዳዮች መካከል የጤና አገልግሎት ስርዓቱን ማዘመን አንዱ መሆኑን ገልጸዋል::

በመሆኑም የኢትዮጵያ መድሃኒት አቅራቢ አገልግሎትም ይህን እውን ለማድረግ የመድሃኒት አቅርቦት ስርዓቱ የተሳለጠ እንዲሆን እየሰራ ነው ብለዋል::

ይህ ጉባኤም አለም አቀፍ የመድሃኒት አቅራቢዎችና አምራቾች በዘርፉ ይበልጥ ተቀራርበው እንዲሰሩ የሚያስችል መሆኑ ተገልጿል::