የኢትዮጵያን ስም በላባቸው ከፍ ያደረጉ ጀግኖች አትሌቶች ምስጋና ይገባቸዋል-ከንቲባ አዳነች አቤቤ

አዲስ አበባ፤ ነሐሴ 14/2015(ኢዜአ):-የኢትዮጵያን ስም በዓለም አደባባይ በላባቸው ከፍ ያደረጉ ጀግኖች አትሌቶች ምስጋና ይገባቸዋል ሲሉ ከንቲባ አዳነች አቤቤ ገለጹ።

ከንቲባዋ በማህብራዊ ትስስር ገጻቸው "እንኳን ደስ አለን! በላባችሁ የኢትዮጵያን ስም በወርቅ ፃፋችሁ ! ሲሉ አስፍረዋል።

ትላንት ምሽት በተካሄደው በ19ኛው የቡዳፔስት የዓለም አትሌትክስ ሻምፒዮና መክፈቻ ላይ በተደረገው የሴቶች የ10 ሺ ሜትር ሩጫ ውድድር የኢትዮጵያ አትሌቶች ፦

1.ጉዳፍ ፀጋይ ወርቅ

2. ለተሰንበት ግደይ ብር

3.እጅጋየሁ ታዬ ነሃስ

በማምጣት ባስመዘገቡት አኩሪ ድል የተሰማቸውን ደስታ ገልጸው "በድጋሚ እንኳን ደስ አለን!" ብለዋል ከንቲባዋ።