በናይጀሪያ የሚገኙ ኢትዮጵያዊያን የታላቁ ህዳሴ ግድብ ቦንድ ገዙ

ነሃሴ 21/2012( ኢዜአ) በአቡጃ ናይጀሪያ የሚገኙ ኢትዮጵያዊያን የታላቁ የኢትዮጵያ ህዳሴ ግድብ ቦንድ መግዛታቸውን የውጭ ጉዳይ ሚኒስቴር አስታወቀ።

በአቡጃ የሚኖሩ ኢትዮጵያዊያንና ትውልደ ኢትዮጵያውያን እንዲሁም የኢፌዲሪ ኤምባሲ ባልደረቦች ባካሄዱት የቦንድ ግዥ ፕሮግራም 14000 /አስራ አራት ሺህ / የአሜሪካን ዶላር ግዥ ፈጽመዋል።

“ድጋፋችን ታላቁ የኢትዮጵያ የህዳሴ ግድባችንን ለማጠናቀቅ'' በሚል መሪ ቃል የቦንድ ሽያጭ መርሃ-ግብር በይፋ ተጀምሯል።

የግድቡ ግንባታ እስኪጠናቀቅ ድረስ በሁሉም ዘርፍ ድጋፋቸውን አጠናክረው እንደሚቀጥሉ በቦንድ ግዢ መርሃ-ግብሩ የተሳተፉ ኢትዮጵያዊያን ቃል መግባታቸውን ከሚኒስቴሩ የተገኘው መረጃ አመልክቷል።