ጠቅላይ ሚኒስትር ዐቢይ አሕመድ ከኖርዌይ አቻቸው ጋር ተወያዩ

የኢትዮጵያን የባህር ኃይል በአቅም ግንባታ ድጋፍ ለማጠናከር፣ ኢትዮጵያውያን ሴት አመራሮች በፖለቲካዊ አመራር ላይ ልምድ እንዲለዋወጡ ለማስቻልና የእውቀት ሽግግር ለማካሄድ እንዲሁም በኢትዮጵያ የአረንጓዴ አሻራ እንቅስቃሴ ላይ ድጋፍ ለማድረግ ስምምነት ላይ ደርሰዋል።

በተጨማሪም፣ በቀጣናዊ ሰላምና መረጋጋት ላይ ውይይት አድርገዋል።

ጠቅላይ ሚኒስትር ዐቢይ የኖርዌይ ፓርላማ ፕሬዚደንት ቶን ትሮን እና በአኒከን ሁይትፊል ከሚመራው የውጪ ጉዳይና መከላከያ ቋሚ ኮሚቴ ጋር ተወያይተዋል።

ውይይቶቹም በኢትዮጵያ በሚካሄዱት ፖለቲካዊ፣ ኢኮኖሚያዊ እና ማኅበራዊ የልማት ሥራዎች ላይ ማተኮሩን ከጠቅላይ መንስትር ጽ/ቤት ያገኘነው መረጃ ያሳያል።