የአውሮፓ ኅብረት ኮሚሽን ፕሬዝዳንት አዲስ አበባ ገቡ

ፕሬዝዳንት ኡርስላ ቮን ደር ለየን በኢትዮጵያ በሚኖራቸው ቆይታ ከኢፌዲሪ ፕሬዝዳንት ሳህለወርቅ ዘውዴ እና ሌሎች ከፍተኛ ባለስልጣናት ጋር በኢትዮጵያ እና በአውሮፓ ኮሚሽን መካከል ያለውን ግንኙነት ማጠናከር በሚቻሉባቸው ጉዳዮች ዙሪያ እንደሚወያዩ ይጠበቃል። ኡርሱላ ቮን ደር ለየን በቅርቡ የአውሮፓ ኮሚሽን ፕሬዝዳንት ሆነው ከተመረጡ ወዲህ ከአውሮፓ ሀገራት ውጭ የመጀመሪያ የሆነውን ጉብኝታቸውን ነው በኢትዮጵያ የሚያደርጉት። የኢትዮጵያ እና የአውሮፓ ኮሚሽን ይፋዊ ግንኙነት የተጀመረው በ1967 ዓም ኢትዮጵያ ከአፍሪካ እንዲሁም ከካሪቢያንና ከፓስፈክ አገሮች ጋር በሎሜ በደረሱት የኮቶኖ ስምምነት መሰረት ነው። የአውሮፓ ህብረት በዚያው ዓመት ጽህፈት ቤቱን በአዲስ አበባ በመክፈት ግንኙነቱ ተጠናክሮ መቀጠሉን የውጭ ጉዳይ ሚኒስቴር ቃል አቀባይ ፅህፈት ቤት ጠቅሷል። ኢትዮጵያም ቤልጄም ብራሰልስ በሚገኘው ኤምባሲዋ በኩል የሁለቱን ግንኙነት አጠናክራ በማስቀጠል ላይ ትገኛለች ነው ያለው።