የኢትዮጵያ ፌዴራል ፖሊስ ኮሚሽን ለኢሬቻ በዓል መከበር ህዝቡ ላደረገው ቀና ትብብር ምስጋና አቀረበ

ለዚህ ክብረ በዓል በሰላም መከበር ህዝቡ ላደረገው ቀና ትብብርና ድጋፍ ኮሚሽኑ ምስጋናውን አቅርቧል።

በፀጥታ ጥበቃው ላይ የተሰማሩት የሰራዊቱ አባላት የተሰጣቸውን አገራዊ ተልዕኮ በብቃት በመወጣት የታለመውን ግብ ማሳካታቸውን ኮሚሽኑ ገልጿል።

"ለዚህ ስኬት ትልቁን ድርሻ የተወጣችሁ አባገዳዎች፣ ወጣቶች እና የበዓሉ ታዳሚዎች ለፀጥታ አስከባሪ አካላት ያሳያችሁት ቀና ትብብር አርአያነት ያለው ተግባር ነው" ብሏል።

''ህዝብና ፖሊስ አብሮ ተባብሮ ከሰራ የማንሻገረው የሰላምና የደህንነት ችግር አለመኖሩን አረጋግጠናል'' በማለት፤ የኢትየጵያ ፌዴራል ፖሊስ ኮሚሽን ምስጋናውን ገልጿል።