የኢጋድ የሚኒሰትሮች ምክር ቤት ልዩ ስብሰባ ውሳኔዎችን በማሳለፍ ተጠናቀቀ

ሚያዝያ 30/2011 በደቡብ  ሱዳን  ዋና  ከተማ  ጁባ  የተካሄደው  67ኛው  የኢጋድ  የሚኒስትሮች ምክር ቤት ልዩ ስብሰባ ውሳኔዎችን በማሳለፍ ዛሬ ተጠናቅቋል።

የኢፌዲሪ የውጭ ጉዳይ ሚኒስትር እና የወቅቱ የኢጋድ የሚኒስትሮች ምክር ቤትሰብሳቢ  አቶ ገዱ አንዳርጋችው የስብሰባውን ውጤት በተመለከተ ለደቡብ ሱዳን ፕሬዚዳንት ሳልቫኪር ማያርዲት  ገለጻ አድርገዋል።

አቶ ገዱ በገለጻቸው  የደቡብ  ሱዳን  ተደራዳሪ  ወገኖች  ባለፈው  ሳምንት  በአዲስ  አበባ ባደረጉት ውይይት የቅድመ ሽግግር ጊዜው ለተጨማሪ 6 ወራት እንዲራዘም የደረሱበትን  ስምምነት  የኢጋድ የሚኒስትሮች ምክር ቤት ሙሉ በሙሉ መቀበሉንገልጸዋል።

በተደራዳሪ ወገኖች በኩል የተደረሱ ስምምነቶችን ተግባራዊ ለማድረግ የሚያግዝ 100  ሚሊዮን  የአሜሪካን  ዶላር   በመንግስት  በኩል መመደቡን  ምክር  ቤቱ በአድናቆት  እንደተመለከተውም ተናግረዋል።

ይህም ዓለም  አቀፍ  አካላት  ተመሳሳይ  ድጋፍ  ለማድረግ  እንደሚያነሳሳቸውም ሚኒስትሩ  በገለጻቸው  አብራርተዋል።

በተደራዳሪ ወገኖች የተደረሰው ስምምነት ተግባራዊ እንዲሆን ኢጋድ እንዲሁም የኢትዮጵያ  መንግስት  ሙሉ ድጋፍ  እንደሚያደርግ አቶ ገዱ  አንዳርጋቸው ለፕሬዚዳንት  ሳልቫኪር  ባደረጉት  ገለጻ  አረጋግጠዋል።