ቀዳማዊት እመቤት ዝናሽ ታያቸው ለአፍሪካ ሀገራት ቀዳማዊት እመቤቶች አቀባበል አደረጉ

አዲስ አበባ (ኢዜአ) የካቲት 11/ 2015 ቀዳማዊት እመቤት ዝናሽ ታያቸው ለአፍሪካ ሀገራት ቀዳማዊት እመቤቶች በቤተ መንግስት አቀባበል አደረጉ ።

አቀባበል የተደረገላቸው የ12 የአፍሪካ ሀገራት ቀዳማዊት እመቤቶች እና ልዑካቸው በ27ኛው መደበኛ የአፍሪካ ቀዳማዊ እመቤቶች የልማት ተቋም አጠቃላይ ጉባዔ በአዲስ አበባ እየተሳተፉ ያሉ ናቸው፡፡

በአቀባበል ሥነ ስርዓቱ ላይ የተለያዩ ባህላዊ የኢትዮጵያ ምርቶች ለዕይታ ቀርበዋል፡፡

ሀገር በቀል ምርቶቹን ከማስተዋወቅ አንጻርም ከፍተኛ ሚና እንዳለው ተገልጿል።

ጉባዔው ከየካቲት 8 ቀን 2015 ጀምሮ በስርዓተ ጾታ እኩልነት የሚታየውን ክፍተት መዝጋት በሚል መሪ ቃል እየተካሄደ መሆኑን የቀዳማዊት እመቤት ጽህፈት ቤት መረጃ ያመለክታል፡፡