ከንቲባ አዳነች አቤቤ በዝቅተኛ የኑሮ ደረጃ ላይ ለሚገኙ እና ለአቅም ደካማ ዜጎች የሚውል የቤት ግንባታ አስጀመሩ

ግንቦት 11 ቀን 2014 (ኢዜአ) ከንቲባ አዳነች አቤቤ የ40 ቤቶች ግንባታ በቂርቆስ ክፍለ ከተማ ወረዳ 10 ዛሬ በሄንከን ኢትዮጵያ የገንዘብ ድጋፍ የሚገነባ የጋራ መኖሪያ ቤት ግንባታ ፕሮጀክት አስጀምረዋል፡፡

ግንባታውም በ15 ሚሊዮን ብር የሚከናወን ሲሆን በ2 ወራት ውስጥ የሚጠናቀቅ መሆኑ ተገልጿል፡፡

በዚሁ ወቅት ከንቲባ አዳነች እንዳሉት፤ ለከተማዋ ነዋሪዎች ምቹ የኑሮ ሁኔታ ለመፍጠር እየተሰራ ነው፡፡

ለዚህም ከተማ አስተዳደሩ የአቅመ ደካሞች ቤት ዕድሳትን ጨምሮ የተለያዩ ስራዎችን እያከናወነ መሆኑን ተናግረዋል፡፡

የከተማዋን ዕድገት ለማሳለጥ ከመንግሥት በተጨማሪ የህብረተሰቡ እንዲሁም የባለሃብቶች ተሳትፎ ወሳኝ መሆኑን ገልፀዋል፡፡