አዲሱ የመከላከያ ሚኒስቴር ዋና መሥሪያ ቤት ሕንፃ የምረቃ ሥነ-ሥርዓት በመካሄድ ላይ ነው

አዲስ አበባ፣ ጥር 01 ቀን 2014 (ኢዜአ) እጅግ ዘመናዊ እንደሆነ የተነገረለት የኢፌዴሪ መከላከያ ሚኒስቴር ዋና መሥሪያ ቤት ሕንፃ የምረቃ ሥነ-ሥርዓት የጦር ሀይሎች ጠቅላይ አዛዥ ጠቅላይ ሚኒስትር አቢይ አሕመድ በተገኙበት እየተካሄደ ነው።

ህንጻው በ13 ሺህ ካሬ ላይ ያረፈው ባለ 5 ወለል ሲሆን ከ700 በላይ ቢሮዎችና የተለያየ ደረጃ ያላቸው የስብሰባ አዳራሾች፣ ቤተ-መጽሐፍት፣ የምርምር ማዕከላት እና የተደራጀ የመረጃ ማዕከል በውስጡ ያካተተ መሆኑ ተገልጿል።

በዚህ የምረቃ ሥነ-ሥርዓተ ላይ ምድር ጦር እና አየር ኃይል ወታደራዊ ትዕይንት በማሳየት ላይ ናቸው።

በምረቃ ሥነ-ሥርዓቱ ላይ ከፍተኛ የመንግሥት እና ወታደራዊ የሥራ ኃላፊዎች ተገኝተዋል። ኢትዮጵያን እናልማ፣እንገንባ፣እንዘጋጅ

ሀገርን በዘላቂነት እናልማ

የፈረሰውን አብልጠን እንገንባ

ለማንኛውም ፈተና እንዘጋጅ