በልዩ ዘመቻዎች ኃይል ማሰልጠኛ ማዕከል የመሰረታዊ ወትድርና የስልጠና መክፈቻ ስነስርዓት ተካሄደ

ሰኔ 11 ቀን 2013 (ኢዜአ) በመከላከያ ሚኒስቴር የልዩ ዘመቻዎች ኃይል ማሰልጠኛ ማዕከል የመሰረታዊ ወትድርና የስልጠና መክፈቻ ስነ-ስርዓት ተካሄደ፡፡

የማሰልጠኛ ማዕከሉ ዋና አዛዥ ኮ/ል ዋለልኝ ታደሰ ፣ በትልቅ ሞራልና ወኔ እምቢ ለሀገሬ ብላችሁ ሀገራችሁን በቅንነትና በታማኝነት ለማገልገል ክቡር የሆነውን የውትድርና  ሙያ ለመቀላቀል ከተለያዩ የሀገራችን  ጫፍ በመክተታችሁ ኮርቻለሁ ብለዋል ።

ሽብርተኛውን የጁንታ ቡድን ለመደምሰስ በማሰልጠኛ ማዕከላችን የሚሰጡትን ወታደራዊ ስልጠናዎችንና ወታደራዊ ሳይንሶችን ከእውቀት ጋር በመደመር ስልጠናችሁን በተገቢው ሁኔታ በማጠናቀቅ ሀገር ከእናንተ የምትፈልገውን ሁሉ አሟልታችሁ ማገልገል ይጠበቅባችሗል ማለታቸውን መከላከያ ሚኒስቴር አስታውቋል።