የኢትዮጵያ ፕሬስ ድርጅት በተጨማሪ 2 ቋንቋዎች ተደራሽ ሊሆን ነው

አዲስ አበባ ህዳር 3/2013 (ኢዜአ) የኢትዮጵያ ፕሬስ ድርጅት በተጨማሪ ሁለት ቋንቋዎች ተደራሽ ለመሆን ዝግጅት ማጠናቀቁን አስታወቀ፡፡

ድርጅቱ በአራት ቋንቋዎች የተለያዩ ጋዜጦችን በማዘጋጀት ለተገልጋዮች ሲያደርስ መቆየቱ ይታወቃል፡፡

አሁን በሲዳምኛና በትግሪኛ ቋንቋዎች ተደራሽ ለመሆን ዝግጅት ማጠናቀቁን አስታውቋል፡፡

በሲዳምኛ ቋንቋ "በካልቻ" በትግሪኛ ደግሞ "ወጋህታ" የተሰኙ ጋዜጦች ናቸው የሚታተሙት፡፡

የኢትዮጵያ ፕሬስ ድርጅት የተመሰረተበትን  80ኛ ዓመት  በተለያዩ  ዝግጅቶች  በማክበር  ላይም ይገኛል፡፡

አማርኛ፣ ኦሮምኛ፣ እንግሊዝኛና ዓረብኛ ድርጅቱ በሚያሳትማቸው ጋዜጦች የሚጠቀምባቸው ቋንቋዎች ናቸው፡፡