Federal Poolis Ityoppiyah Aydaadu kee Muddaqiinoh Elle Tagibbiyennal Taamitak Geytima - Komishiner Jeneral Xemmellash G/Mikaayil

 

Addis Ababa Waysuk 01/2018 (ENA) Federal Poolis Ityoppiyah Aydaadu kee Muddaqiinoh Elle Tagibbiyennal Taamitak Geytimam Federal Poolisik Daga Raaqa Amrise Komishiner Jeneral Xemmellash G/Mikaayil Qaddoysem.

 

Komishiner Xemmellash Elle Qaddoysennal Baaxoh Caddoh Milaagih Abnisso Gexisseh Tan Fanteena Awayih Uddur Baatil Naharal Elle Kalatam Xiqta Dudda Xisseh Geytimtam Qaddoysem.

 

Tah Milallaagima Caalat kee Xijjitaal Baadalluk Genxuh Qokol Takkeh Tanim Yescessem.

 

Federal Poolis Ityoppiyah Aydaadu kee Muddaqiinoh Elle Tagibbiyennal Taamitak Geytima Qaddoysaak, Baad Caddo kee Maaduk Taturta Baatilitte Kalaloonuh Xalule Taama Tekkeh Tanim Baxxaqsem. 

 

Tahal Ta Fanteena Ityoppiyak Taturak Baad Caddoh Baatilitte Lowsiisaanamal Kaxxa Doori Digrak Geytimtam Qaddoysem.

 

Baatil Tekkooka Udduruk Uddurul Cebtebbaarimak Teknoloojil dadalak Tamaateemih Federal Poolis Too Caddol Dudda Maqarroysak Qasrih Elke Tagibbiyeh Tan Gital Taamitak Geytimtam Diggoysem.

#ityoppiyak_xaagi_raceena #ENA#