Siyaasa Partitteh Malah Buxa Agatak Agaard Gexsit Elle Faxximannal Yamarraquh Abak Geytimah Yan Qokol Diggooselon.

 

Addis Ababa Waysuk 5/2018(ENA):- Siyaasa Partitteh Malah Buxal Ityioppiyak Numma Le Ayyuntinoh Sittin Gey Ginanam Kee Digga Le Ximokraasih Siirati Xissiimuh Yakkeh Yan Mabbalow Aracat Gacuh Abak Geytimah Yan Qokol Foocah Hee Lonuh Yaniinim Mala Buxah Gaaroseh Yan Selemun Ayyaleey Qaddoose.

Ityioppiyak Agaarad Kumishiin Kukti Ixximak 1265/2014 Xissimeh Yan Saytun Missoyna Kinnuk ,Baaxo Caagiidal Sarrimane Le Salaam Kee Ayyuntiino Sittagey Ginanamal Taamitak Geytiman.

Taham Fan Abak Yemeeteh Yan Taamal Daqaarak Qimbisak Inkih Yan Ayyunti Exxaxiiy,Siyaasa Missoynaniiy,Sivik Ayyuntih Exxaaxiiy,,Tu-Taaxagoo Kee Inkih Yan Ayyuntih Caddol Ajenxâ Gaaboysoh Taama Abak Yemeeteh Yanimiiy Tamixxigem.

Ta Missoynaay Missowteh Tan Ayenxa Abbixuk Gersi Illacabô Mafdaga Fan Tabak,Xayyosenih Yanin Baaxo Caddoh Daffenah Gexsitele Elle Caboh Bicih Taamoomi Abak Geytiman.

Ityioppiyak Siyaasa Missoynanih Malah Buxah Gabose Selemun Ayyale Elle Qaddosennalaay, Agat Sitin Gey Ginanam Kee Daddos Diggosanamal Akkuk Geytimta Taamoomi Agat Inkittinaanee Kee Bisô Maxcoh Baxsa Le Doori Ley Tanimiiy Kassiise.

Agat Caddoluuy Xer Udduurah Sugteh Tan Taqabitte Yafdagoonuh Qinbisimteh Tan Taamoomi Diggowtam Faxximtah Tanim Kassiisak Tahah Agaarad Baxsa Le Fidoy Kaxxah Tani Kinnih Taniimitiiy Yaabe.

Sissin Partitteey Ta Komishinî Lih Loinuh Yanin Angaaraw Diggoisak Gexaanam Faxximtah Tanim Kassiisak Agaaradaay Baaxoh Caddol Tamballeh Tan Taqabittek Tayse Fidga Kinnih Tanimiiy Kassiise.

Ta Malah Buxaay Agaarad Komishin Abak Geytimah Yan Taama Baxsa Leh Tanim Kee Baaxol Tanih Tan Taqabittek Fidga Lem Kinniimik Ugutak Ta Komoshinih Baxsa Le Qokol Abe Leh Yanimiiy Baxxaqse.