442Qande Kambitte Kee 82 Silaalô Fantenaanil Geytimta Baaxô Xaylo Xongolo Tece-Doorô Borxi - ENA Qafar Afa
442Qande Kambitte Kee 82 Silaalô Fantenaanil Geytimta Baaxô Xaylo Xongolo Tece-Doorô Borxi
Addis Ababa Waysuk 02/2018 (ENA) 442 Qandê Kambitte kee 82 Silaalô Fantenaanil Geytimta Baaxô Xaylo Xongolo Tecem Ityoppiyak Doorô Borxih Gaaboyse Melatworqhi Haylu Qaddossem.
Ityoppiyak Doorô Borxi Laqinik 24 haytoh Ayro 2018 haytoh Liggidah Amolladi Dooro Gexissem Tamixxigem.
Borxi Gaaboyse Melatworqhi Asaaku Teyyeeqeh Tan Maybalaalaqal Qandê Kambitte kee Silaalô Fantenaanil Gexsitte Dooro Wagsiisaak Mangaafa Retteemaamih Maybalaalaqaay Tecem.
Maybalaalaqal Borxih Yecen Reedak Ugutak Madabiini Amolladi Doorol Baxsale Gurral Angale Wayte Baaxô Xaylo Xongolô Mattacoh Gexsit Missoysam Tamixxigem.
Borxi Tahah Takke Baxsale Dooro Fantenaani Massoysak Baxaabaxsale Taamoomi Abeh Yanim Tescessem.
Taama Abnisa kee Koobaahiseenitih Aydakaakan Yeceenim Qaddoysaak, Wagittah Tan Dagortillih Walal Abeenih Yaniinim Baxxaqissem.
Kambittel Dooroh Tunkuttube Baaxô Xaylo Waysuk 02 Ayro 2018 Liggidal Xongolo Yeceenih Yaniinim Qaddoysem.