አሜሪካ የማይናማር የጦር ኃይሎች ኤታማዦር ሹምን ጨምሮ በአራት የጦር መኮንኖች ላይ ማዕቀብ ጣለች

ሚኒስትሩ ማይክ ፖምፒዮ እንዳሉት በማይናማር ወታደራዊ መኮንኖች ላይ ይፋዊ እርምጃ በመውሰድ አሜሪካ የመጀመሪያዋ ሀገር ናት። የማይናማር መንግስት በሮሂንጊያዎች ላይ በተፈጸመው ጥቃት የተሳተፉ አካላት ላይ እርምጃ አለመውሰዱና አሁን ሰብዓዊ የመብት ረገጣዎች መቀጠላቸው እንደሚያሳስባቸውም ፖምፒዮ በመግለጫቸው ጠቅሰዋል። በማዕቀቡ ከኤታ ማዦር ሹሙ በተጨማሪ እርምጃ የተወሰደባቸው ምክትል ኤታ ማዦር ሶኤ ዊን፣ ብር ጋዴር ጀኔራል ታን ኦ እና ብርጋዴር ጀኔራል አውንግ አውንግ እና የአራቱም ቤተሰቦች ላይ ነው። ተንታኞች አሜሪካ የጉዞ ክልከላና ሌሎች ማዕቀቦችን በማይናማር ወታደራዊ መኮንኖች ላይ መጣሏ በዓለም አቀፍ ደረጃ በጦር ወንጀለኛነት ለመክሰስም በር ከፋች ነው ብለዋል። ምንጭ፡-አል ጄዚራ