የትራንስፖርት ባለስልጣን 18 ዓይነት የአገልግሎቶችን በኢንተርኔት መስጠት ጀመረ

2597

አዲስ አበባ መስከረም 15/2011 የትራንስፖርት ባለስልጣን 18 የአግልግሎት አይነቶችን በኢንተርኔት መስጠት ጀመረ።

ባለስልጣኑ ዛሬ ከመገናኛና ኢንፎርሜሽን ቴክኖሎጂ ሚኒስቴር ጋር በመሆን ይህን አዲስ አገልግሎት መስጫ መንገድ ይፋ አድርገዋል።

አገልግሎቱ ሶስት ዘርፎችን የሚያካትት ሲሆን እነርሱም የተሽከርካሪ ብቃት ማረጋገጫና ምዝገባ ፣ የጭነት ትራንስፖርትና የህዝብ ትራንስፖርት ናቸው።

አገልግሎቱን ማንኛውም ደንበኛ ባለበት ሆኖ ኦንላይን ላይ የተዘጋጀ ፎርም በመሙላት መጠቀም የሚቻል ሲሆን ይህም ጊዜና ገንዘብ ለመቆጠብ  እንግልትና የሙስና ተጋላጭነትን ለመቀነስ ታስቦ መሰራቱ ተጠቁሟል።

www.eservices.gov.et ብሎ በመግባት የአገልግሎቱ ተጠቃሚ መሆን ይቻላል።