Gaaffilee fi yaadota miseensonni Mana Maree Bakka Bu'oota Uummataa Ministira Muummicha Dr.Abiyyi Ahimad tiif dhiheessan keessaa :

Gaaffiin biyyattiin Hulaa galaanaa argachuuf dhiheessitu sirrii fi adeemsa badhaadhina waaraa uummata keenyaatiif murteessaadha. Kuni maalirra gaheera?

Dandeettii Itiyoophiyaan damee Tuurizimiitiin qabdu guddisuuf pirojektoonni gurguddoon hojjetamaa jiran, Itiyoophiyaa sadarkaa Idil-addunyaatti dorgomaa kan taasisanidha.

Naannoolee biyya keenya adda addaatti uummatni bilisummaan akka nagaan socho'uuf haala mijeessuu irratti, mootummaan olaantummaa seeraa kabachiisuuf kallattii akkamii qabatee jiraa?

Dandeettii bu'uuraalee misoomaa biyyattiitti guddisuuf, keessumattuu babal'ina fi qulqullina daandiiwwanii fooyyessuu irratti xiyyeeffannoon kennamuu qaba.

Mootummaan faayidaa biyyaalessa Itiyoophiyaa kabachiisuuf kallattii hordofaa jiru irratti ibsi osoo kennamee.

Damee fayyaatiin hanqina dhiheessii qorichaa fi tajaajila kenninsa irratti mul'atan furuuf, tarkaanfiiwwan qabatamaa akkamii fudhatamaa jiru?