Tajaajilli Tola Ooltummaa Daangaa Qaxxaamuraa Itiyoophiyaa Walitti Hidhamiinsa Lammiilee Cimsuun Gahee Dargaggootaa Ijaarsa Biyyaa Keessatti Guddisaa jira

Waxabajjii 14/2018 (ENA): Tajaajilli Tola Ooltummaa Daangaa Qaxxaamuraa Itiyoophiyaa tokkummaa biyyaalessaa cimsuu fi ga’ee dargaggoonni ijaarsa biyyaa keessatti qaban guddisaa jiraachuu Ministeerri Dhimma Dubartootaa fi Hawaasummaa ibseera.

Fayyadamummaa lammiilee guddisuuf hojiiwwan nama irratti xiyyeeffatan hedduun kan raawwataman yoo ta’u, keessumaa gochi tajaajila tola ooltummaa gaggeessuu yeroodhaa gara yerooti guddachaa dhufeera.

Dameewwan tola ooltummaa adda addaa keessaa tajaajilli tola ooltummaa dargaggoota daangaa qaxxaamuraa damee dammaqinaan guddachaa jiruudha.

Sagantaan kun dargaggoonni Itiyoophiyaa hojii tola ooltummaa raawwachuu qofa osoo hin taane, biyya isaanii caalaatti akka beekanii fi hubataniif carraa guddaa uumaa jira.

De’eetaan Ministira Dhimma Dubartootaa fi Hawaasummaa Muunaa Ahimad ENAtti akka himanitti, Dargaggoonni guutuu biyyattii irraa gara kutaalee biyyattii adda addaatti socho’uun hojii tola ooltummaa gaggeessaa jiru jedhan.

Tajaajilli tola ooltummaa daangaa qaxxaamuraa dargaggoota kutaalee biyyattii adda addaa walitti fiduu fi tokkummaa biyyaa cimsuun ijaarsa biyyaa keessatti gahee ijaarsaa taphachaa jira jedhan.

Kunis dargaggoota gidduutti aadaa fi duudhaa wal jijjiiruu uumuudhaan waa’ee maalummaa fi gama adda ta’een biyya isaanii akka baratan carraa uumuudha jedhan.

Haala kanaanis adeemsa ijaarsa biyyaa keessatti gaheen dargaggootaa daran cimaa jira jedhan.

Sagantaan bara 2014 eegalame kun bara kana yeroo 5ffaaf mata duree "Gaarummaa olka’insa Itiyoophiyaa 5ffaaf" jedhuun hojjechuuf qophaa’uu ibsaniiru.

Tajaajilli tola ooltummaa daangaa qaxxaamuraa sadarkaa biyyaatti eegalame amma naannolee fi Godinoota biratti hojii idilee ta’aa jira jedhan.

Itiyoophiyaan akkuma ashaaraa magariisaa isheetiin hojjatte hojii tola ooltummaatiin aadaa badhaadhaa ijaaruun addunyaaf fakkeenya ta’uuf hojjechaa jirti jedhan.

Dargaggoonni sagantaa tola ooltummaa Ganna bara kanaa irratti qindoomuun dammaqinaan hirmaachuu fi itti gaafatamummaa hawaasummaa isaanii akka ba’atanis waamicha dhiyeessaniiru.